Level up si Kara

Ang Kapuso award-winning broadcaster nga si Kara David na maoy chairperson sa UP Diliman Department of Journalism. Kini maoy gipahibawo sa unibersidad pinaagi sa ilang facebook page sa nilabay nga adlaw. Nasayran nga niadtong 2017 pa nagsugod pagtudlo si Kara sa UP Diliman og broadcast journalism, ug uban pang subjects.

Ayaw’g kasuya

Ni-graduate na si Neri Miranda sa iyang kurso nga Business Administration niadtong June 29. Kini pinaagi sa Expanded Tertiary Education Equivalency and Accreditation Program (ETEEAP) sa University of Baguio. Nipaso si Neri sa graduation ug nagpasalamat siya sa iyang bana nga si Chito Miranda nga kanunayng nagsuporta niya. Dungan niini, niingon si Neri nga magpadayon lang gyud, ug dili magpakawala og paglaom. Dungan pa niyang tambag mao nga mosalig lamang gyud sa Ginoo, maningkamot, dili masuya sa kalampusan sa uban, kundili himuon kini nga inspirasyon ug mohimo og maayo ngadto sa isigkatawo.