Idol Philippines contestant na si Matty J, heartbreak at pagpapatawad ang nasa bagong kanta

Kwento ng heartbreak at pagpapatawad ang hatid ng dating Idol Philippines contestant at iDolls member na si Matty J sa Moving On, isang matapang na kanta tungkol sa halaga ng self-love pagkatapos masaktan dahil sa pag-ibig.

Limang taon na ang nakalilipas nang isulat niya ang kanta na inspired sa isang taong nasaktan pero na-realize na deserving siya sa mas magagandang bagay bilang bida ng kanyang kwento.

Si Star Pop head Rox Santos ang co-writer at producer ng kanta.

Taong 2021 nang masungkit ni Matty ang Best Performance by a New Recording Artist sa Awit Awards para sa debut single niyang Sayaw Ng Mga Tala.