Sentro ng usapan ng mga Maritess ang pagyakap ni Kyline Alcantara kay Mavy Legaspi nu’ng NCAA All-Star games kung saan isa sa players na artista si Mavy.
Resibo na ba ang suporta, yakap, pagkarga at pagsuot ng jersey ni Mavy ng real score sa kanilang dalawa?
Sa interview kay Kyline sa 24 Oras, “Iba siya ngayon. Iba ‘yung nararamdaman ko ngayon but the status is still the same!”
Special friends lang daw sina Kyline at Mavy at suporta ang ibinigay niya kaya todo ang cheer niya sa binata nina Zoren Legaspi at Carmina Villarroel.
Ganern?
Dating mga Sang’gre, bumibida sa primetime
Aba, mga dating Sang’gre ng Ecantadia pala ang namamayagpag ngayon sa GMA Primetime, huh!
Naging parte ng fantaserye na Encantadia sina Sanya Lopez, Kylie Padilla at Gabbi Garcia. Bida sila sa shows ng GMA sa kani-kanilang series, huh!
Si Sanya ang bida sa First Lady, si Kylie sa Bolera at si Gabbi sa Love You Stranger!
Eh balitang pinaplantsa na ang pagbabalik ng mga Sang-gre sa series na Sang-gre.
Isa ito sa coming shows sa GMA Telebabad at natatandaang ang Encantadia ang show ng Kapuso Network na rason kung bakit may isang executive ang Channel 2 na muntik magbitiw sa trabaho noon, huh!