Partner ni Angeline, nag-resign na sa casino

May ipon naman daw ang partner ni Angeline Quinto ayon sa isang taong malapit sa singer.

Hindi raw zero percent ang datung nito sa bangko pero nag-resign na pala siya sa casino (sa isang hotel) kung saan siya nagtatrabaho.

May online business na raw kasi si Nonrev Pelayo Daquina kaya nagtutulungan sila ni Angeline ngayon sa gastusin ng kanilang baby.

Super in love kasi raw talaga ang dalawa at talagang kahit anong effort ng malalapit kay Angeline noon na paghiwalayin sila, walang nangyari.

Actually, naghiwalay na raw sila noon pero nag-reconcile at doon na nagbuntis si Angeline.

Ngayon ay more than a month na ang kanilang baby – Sylvio Quinto-Daquina.

Same background at back story raw kasi sila kaya talagang magkasundo sila.

Pero wala pa raw nakaplanong kasal sina Angeline at Nonrev.