“PIEnalo!”

CEBU, Philippines — Modaog og nilibo ngadto sa minilyon? Buot mosikat? O ikaw magbuot sa dagan sa istorya sa salida nga mong gitan-aw? Kanang tanan, posibli, pinaagi sa PIE TV Channel. Kini ang labing bag-ong interactive channel sa Pilipinas.

Ang nakahugyaw kay dili kay sa telebisyon ra nimo kini makita. Dili sa online lang. Pwede sab pinaagi sa Gcash. Ang Pie Channel, mugna sa hiniusang pwersa sa BEAM, 917Ventures, tradigital entertainment company KROMA ug ABS-CBN.

Kini mao ang labing bag-ong pamaagi diin makita ang mga mugna sa ABS-CBN. Nagsugod na kini niadto pang May 23, diin dili lamang makalingaw, makadaog pa gyud og mga premyo ug aduna kay kahigayonan nga mosikat. Tulo ka oras ra ang pahuway. Buot pasabot, 21 hours kini nga magsalida.

Sa PIE, gibalik ang sikat kaayo kaniadto nga game show sa ABS-CBN nga Pera o Bayong. Sa programa nga UZI, ikaw maoy magbuot unsay sunod nga buhaton sa mga bida. Ikaw pabut-on sa imong gusto nga twist o ending. Ug sa show nga giulohan og Palong Follow, pasikaton ang mga wa-il, o wala pa mailhi nga content creators sa Pilipinas.

Mahimo kini nimong tan-awon pinaagi sa digital TV Metro Manila, Cebu, Davao, Iloilo, Zamboanga, Naga, Baguio, ug sa ubang probinsya, pinaagi sa BEAM. Kun aduna kay internet connection, log on sa pie.com.ph

Daghan pa kaayo sila og mga salida nga gipahaom sa timplada nga gusto o gipangita sa mga tumatan-aw. Lakip sa mga personalities nga naa sa PIE sila si Eian Rances, Karen Bordador ug Samantha Bernardo.

Pagsukod sa Kaugalingon

Pangandoy ni kanhi Miss Universe 3rd runner-up Ariella Arida nga magkauban sa usa ka pelikula sila tanan nga mga kanhi beauty queen nga nagpasexy na karon sa mga projects pinaagi sa VivaMax. Upat na sila tanan nga kanhi beauty queens nagpasexy: Bb. Pilipinas Tourism 2013 Cindy Miranda, Miss International 2016 Kylie Verzosa, Miss Philippines Earth 2019 Janelle Tee, ug si Ariella.

Nilang tanan, si Janelle ang labihan ka mapangahason, gisundan ni Cindy ug dayon si Kylie, kun kaisog sa paghubo maoy hisgutan. Matud ni Ariella sa balita sa PEP  Cabinet Files, dili kumpetisyon ang iyang tan-aw kun kinsay labing isog mohubo. Alang niya, igo lamang kini paghagit sa imong kaugalingon hangtud asa gyud kutob ang imong makaya, ingon sab sa tinuod nga kinabuhi.

Bida si Ariella sa pelikula nga Breathe Again diin kauban niya si Tony Labrusca. Sexy movie kini, ug gisalida na karon sa VivaMax. Alang niya, mas lisud ang magpa sexy sa pelikula, itandi sa swimsuit competition sa pageant.

Suma pa niya ngadto sa PEP Cabinet Files:  “Mas mahirap sa pelikula just because hindi ka lang mag-isa. Maraming ka-work na kailangan mo i-consider. Unlike sa pageant, ikaw lang talaga. Ikaw lang ang gagawa for yourself, how to shine. Sa film, you have your co-actors, your director. Iba rin yung dynamics sa pelikula. May drama, may emosyon.”

Dili Sayang

Nagtuo si Kylie Versoza og dili na siya masakitan, ug si Jake Cuenca na gyud ang iyang igdayon. Wala na nidetalye si Kylie sa rason sa break up nila ni Jake human sa dul-an tulo ka tuig nga relasyon, apan sa vlog ni Vice Ganda nga gisalida niadtong Lunes sa gabii, nipadayag ang kanhi beauty queen sa iyang gibati mahitungod sa nahitabo. “Sobrang happy kami sa relationship, and sobrang grateful ako sa relationship. Hindi ako in shock, pina-process ko pa talaga lahat, process siya.” Supak sab siya sa giingon sa uban nga “sayang” ang ilang relasyon. Niya pa, “hindi kasi siya sayang, natulungan namin ang isa’t isa, nagtulungan kami sa isa’t isa. So, para sa akin, hindi yun sayang. Nag-grow kami together as individuals, so bakit siya sayang?”

Lovers in Siargao

Nagbaha sa Instagram ang mga hulagway nila ni Andrea Brillantes ug Ricci Rivero kauban ang ilang mga higala samtang kasamtangan nga nagbakasyon sa Siargao. Aduna silay sweet photos, adunay hulagway nga nag-two piece si Andrea. Lakip sa ilang ka grupo didto ang mga artista nga sila si Alex Diaz ug Ashley Colet. Niadtong Abril nagkauyab si Andrea, 19, ug Ricci, 24. Sukad niadto, kanunay na silang makita nga magsikit ug magbinayloay og sweet messages pinaagi sa IG.

Nag-awas nga pasalamat

“Still in a daze from everything that happened yesterday. My heart is overflowing with gratitude, gratefulness, joy, humility reading all your posts and tags. First time kong maka-experience ng ganito in my almost 19-year professional hosting career. Thank you so, so, so much," kana maoy post ni Bianca Gonzales human sa big night sa Pinoy Big Brother, diin kalit siya nga nahimong main host human ni-resign si Toni Gonzaga niadtong Pebrero.