Nangangailangan ng tulong ang veteran actress na si Angie Ferro.
Kasalukuyan umano itong naka-confine sa Qualimed Medical Center (Room 323), Tungko, San Jose Del Monte, Bulacan, matapos magkaroon ng pangalawang stroke.
Inirerekomenda raw ng mga doktor ang isang CT scan, X-ray at iba pang mga medical test. At umaasa raw ang 84-year old actress sa tulong mula sa mga kasamahan sa industriya dahil wala diumano itong immediate family na maaaring magbigay sa kanya ng financial aid.
Anuman daw halaga na maaaring ibigay ay makakatulong sa kanyang mga bayarin sa ospital at mga gamot.
Puwedeng magpadala ng mga cash na donasyon kay Noel Miralles, ang kanyang protege:
Gcash- 09926675389 (Noel Miralles)
O kaya Bank transfer sa pamamagitan ng LANDBANK
Pangalan ng Account: Noel Miralles
Account No.: 2726208398
Lumabas si Ms. Angie sa GMA’s Amaya, Lola Igna (where she won PPP 2019 Best Actress), Lav Diaz’s Ebolusyon ng Isang Pamilyang Pilipino at sa mga pelikula nina Ishmael Bernal, Lino Brocka, etc.
Maaari rin daw makipag-ugnayan kay Hazel Orencio sa FB. Lahat ng donasyon ay pino-post ng kanilang grupong Sine Olivia Pilipinas.
Bukod sa financial help, humihiling din sila ng kaunting panalangin para sa mabilis na paggaling ng batikang artista.
Dasal namin ang mabilis na paggaling ng mahusay na aktres.