Nahiagom og depression si Bangs Garcia human niya gihimugso ang ikaduha niyang anak niadtong 2020. Kini maoy iyang giangkon sa interview sa Magandang Buhay sa ABS-CBN, niadtong 2020. Naminyo si Bangs sa iyang British husband nga si Lloyd Birchmore niadtong 2016, ug sa London na sila nagpuyo. Buotan gyud matud pa ang iyang bana, apan wala lamang gyud siya maanad nga magpundo og balay. “Itong pangalawa ko, doon ako tinamaan ng depression. ‘Tapos nag-pandemic pa, na-realize ko, sabi ko, ‘Hindi ako puwedeng maging housewife talaga.’ I’m so used to having a fast-paced life here. Every day ang dami kong activities. One day lagari ako—taping ‘tapos may show ka pa sa mall, sa probinsiya. Parang kung saan-saan…” Nakakita na siya og outlet karon: vlogging.
Mga gwapa kaayo
Alang kang Samantha Bernardo, dako kaayo og kahigayonan nga magmadaugan na sab ang mga pambato sa Bb. Pilipinas sa nagkadaiyang international pageants karong tuiga. Kini kay niya pa, labihan ka mga gwapa sa mga kandidata karon ug dili gyud mabentahaan inig tupad sa mga international candidates. Matud ni Sam, nakita na niya ang tanang mga kandidata ug andam siya nga mopadangat kun unsay iyang ikatabang sa higayon nga moasdang na sila ngadto sa ilang nagkadaiyang international pageant. Si Samantha, napili nga first runner-up sa Miss Grand International 2020 didto sa Bangkok, Thailand. Kasamtangan siyang nahibalik sa PBB house, isip usa sa mga Biga10 housemates nga adunay kahigayonan mamahimong big winner,