Palit kay Will… Alodia, wine maker ang bagong karelasyon!
MANILA, Philippines — Yayamanin ang bagong dyowa ni Alodia Gosiengfiao na si Chris Quimbo, President and General Manager siya ng Calabria Company na makers ng Novellino Wines. Marami pa raw ibang businesses ang pamilya ni Chris na pinusuan agad ng fans ni Alodia.
Parang mabait daw ang guy, marunong mag-piano at may video na sabay silang nagpa-piano ni Alodia. May mga pasaway na kinumpara sina Chris at ex ni Alodia na si Will Dasovich at para sa iba, upgrade si Chris kay Will.
Sa nabasa naming comments, masaya rin ang friends ni Alodia sa kanyang bagong boyfriend at deserve raw niyang maging happy. May fans pa rin sina Alodia at Will na nasasaktan na may bagong pag-ibig na si Alodia pero wala na silang magagawa dahil nakikita nilang masaya si Alodia.
Andrew E at Gloc-9, tapatan sa pulitika
Sina Andrew E at Gloc-9 ang pinagkukumpara ngayon dahil sa pulitika. Si Andrew E, ang main performer sa mga rally ng UniTeam.
Si Gloc-9 naman ay bagong tumutulong sa kampanya ni VP Leni Robredo, tampok siya sa bagong ad ni VP Leni na “Handa na ang Pilipinas para sa kulay rosas na bukas.”
Abdul, naka-relate kay AiAi
Naka-relate si Abdul Raman sa karakter ni AiAi delas Alas sa bagong Afternoon Prime ng GMA 7 na Raising Mamay na pilot ngayong Monday, 3:25 p.m., dahil na-stroke at nagpapagaling pa ang kanyang nanay.
Kaya nang tanungin sa medicon ng series kung ano ang most memorable moments niya with her mom, ang pagkakasakit nito ang nabanggit. Hirap daw magsalita ang mom niya dahil sa stroke, kaya miss na miss na niyang marinig ang boses nito at lagi niyang pini-pray na makapagsalita na ito.
Na-stroke ang mom ni Abdul noong ginagawa niya ang Legal Wives, naospital ito at hindi siya napanood. Hopefully, mapanood niya ang anak sa Raising Mamay at ipagmalaki niya si Abdul. Naalala namin, humingi ng financial help oline si Abdul para sa hospital and medical needs ng ina.
Cat, na-cancel culture
Biktima ng cancel culture ang shala na si Cat Arambulo mula nang maging active sa pagpo-post ng suporta niya sa UniTeam nina Bongbong Marcos at Sara Duterte. Marami ang nag-unfollow sa kanya at sabi nga nito, sa unang pagpo-post niya kung sino ang kanyang presidente, 500 agad ang nag-unfollow sa kanya. But she gained 1,500 new followers dahil finollow siya ng UniTeam supporters.
Kilala ng DongYan fans si Cat dahil isa siya sa best friend ni Marian Rivera at ang anak nitong babae ay bestie rin ni Zia Dantes. Kaya, to the rescue rin ang ibang fans ni Marian at DongYan, finollow nila sa IG si Cat, kaya unti-unting bumabalik ang followers na nawala sa kanya.
- Latest
