Kit, kumpirmadong tsugi na sa serye nina Lovi at Piolo!
Alam mo, Ateng Salve, ngayon ang balik sa lock-in taping ng cast, staff at crew ng Flower of Evil, ang Pinoy adaptation ng Korean drama na ganoon din ang title.
Last week pa nga nakauwi ng bansa si Lovi Poe, and siguro naman nakabalik na rin ng ‘Pinas si Piolo Pascual mula sa Los Angeles, California.
Ang alam ko, bago sumalang sa taping ang mga artista, staff at crew ng kahit na anong lock-in ng ABS-CBN, kailangan nilang mag-quarantine ng two days, kahit hindi sila nag-abroad.
Siyempe, may pa-swab test din sa lahat para masiguradong walang positive sa kanila sa COVID-19, huh!
Anyway, tutal ay simula na ng lock-in taping para sa kanilang cycle 3, mag-announce na kaya ang mga namamahala sa Flower of Evil tungkol sa tsikang tinanggal na sa cast si Kit Thompson?
Ang balita namin, nakatakda na rin daw mag-lock-in ngayon ang Kapamilya actor na kapalit ni Kit sa nasabing series.
Let’s wait and see kung today ba magaganap ang official announcement ng Kapamilya Network tungkol doon!
Concert tour ni Lea sa Amerika, sold out
May concert tour din pala sa Amerika si Lea Salonga.
Actually, nagsimula na ‘yon.
Habang isinusulat ko ang item na ito, nagsu-show ngayon si Lea sa Cerritos, California.
Sabi ng auntie ng isang friend ko na nanonood, puno raw ang venue.
Sold out daw ang tickets sa show ni Lea at ayon sa isang tinanong ko, dapat ay noon pa raw ‘yon, pero nagka-pandemic nga, kaya ngayon lang natuloy.
Tsinek ko ang listahan ng shows ni Lea at ang dami pala. Karamihan daw sa mga ‘yon ay sold out na ang ticket, huh!
Ang bongga pa rin talaga ni Lea.
‘Yun na!
- Latest
