CEBU, Philippines — Adunay Celiac disease, usa ka immune disorder nga epekto sa mga pagkaon nga taas og gluten. Kini ang rason nganong niburot ang lawas ni Miss Universe 2021 Harnaaz Sandhu, tulo ka buwan human siya nakoronahan didto sa Eilat, Israel. Niining mga nilabay nga adlaw, kanunay nga sumsuman si Sandhu sa bashers gumikan kay nanambok ang maong beauty queen. Ug sa katapusan, sa usa ka event didto sa Mumbai, India, niadtong Biyernes, hingpit na nga gibutyag ni Sandhu nganong nanambok siya.
Suma pa niya, kaniadto gi-bully siya kay daot o niwang kaayo. Karon na sab, gi-bully siya kay tambok. Apan niya pa, wala matud pa masayud ang bashers nga aduna siyay gihambin nga balatian.
“Nobody knows about my Celiac disease. That I can’t eat wheat flour and many other things,” pagbutyag niya.
“Maayu pag mangguna mu…”
Human giataki og bashers, gibawsan ni Melai Cantiveros ang sige og samok niya pa, pinaagi sa usa ka facebook post niining bag-o lang. Mensahe niya: Para sa mga Sam nga mga Bashers. Sam means Samukan. Mubalik sa inyuha inyung gipang Ingun sa akoa. In Jesus Name , kung maayu inyung gipang Ingun??? Maayu ang mubalik sa inyuha kung ngil ad??? Sama sa inyung nawung??? Ngil ad pod mubalik sa inyuha Esep esep???????????? FYI wala kuy time mubasa ug mutan aw sa inyung tiktok maayu pag mangguna mu kaysa mubash mu naku kay ako???? Busy ko sa matarung na butang, kamu????? Busy mu naku? Kaswerte ba naku.
Ayaw pagdali
"It's a process, hindi dapat minamadali. Dapat mag-take time ka. Whether it's fast or mahaba, i-enjoy mo lang yung process because that's what gonna make you are in the future." Mao kanay tambag ni Maris Racal unsaon pag-move on human sa break-up. Suma pa sa bida sa ABS-CBN teleseries nga How To Move On In 30 Days, nga makita kada adlaw sa Youtube sugod ugma puhon, mapasalamaton siya nga dali ra gyud siya maka move on. Tulo ra ka adlaw ra matud pa siya nga magmaoy, ug ma okay na siya. Niya pa, "When you really love yourself, na gusto mong ibalik yung self-worth mo, pag yun ang motivation mo, super bilis talaga ng moving-on stage mo."
Naglaom pa…
Nagpaabot pa og usa ka semana si Barbie Imperial una niya gisulti sa iyang mama nga nagbuwag na sila ni Diego Loyzaga. Giangkon niya ngadto sa Magandang Buhay niadtong Biyernes nga naglaom sab siya nga balikan pa siya ni Diego, apan dihang nasiguro na niya nga wala nay kahigayonan, kumbinsido na gyud siya nga buwag na sila. Gibutyag sab niya nga tulo ka buwan na sukad natapos ang ilang relasyon.
No to frontal nudity
Giangkon ni Marco Gumabao nga nakadawat siya og daghang offers alang sa mga daring roles human niya gipakita ang iyang sampot sa romantic-comedy-drama movie nga “Ang Manananggal na Nahahati ang Puso.” Pero niya pa ngadto sa PEP Cabinet Files, aduna siyay mga gibalibaran gumikan kay walay klarong istorya. Importante gyud niya pa ang istorya aron magpa sexy siya. Ug mora’g dili siya mosugot og frontal nudity. "I probably wouldn’t show my front, it’s the only thing I’ll keep to myself. The rest would be my acting talent!"
Back-up plan
Nananghid si Katrina Halili sa GMA7 nga adto lamang una siya sa Palawan magpundo hangtud sa Agosto samtang magpaabot sa iyang musunod nga project. Buot niyang mabantayan ang iyang 10-year old nga anak nga si Katie, kinsa niya pa, adunay mild autism. Buot sab gyud niya nga makauban ang iyang anak. Sa Oktubre mapupos ang iyang kontrata sa GMA7, ug niya pa ngadto sa PEP, kun dili na siya i-renew, adto na gyud siya sa Palawan. Matud niya, unom ka tuig na niyang giplano ang iyang back-up plan, human siya nikuha og baking ug cooking course. Busa, gusto gyud niya nga magbaking ug cooking business didto sa El Nido, Palawan.
Balikbalika la’g tan-aw
Gi-am-aman ni Angelica Panganiban ang usa niya ka fan nga nipadayag nga naguol siya nga kasamtangang mobiya una sa showbiz ang aktres gumikan kay nagsabak kini.
“Hahahaha. Okay lang yan. Mabuti nga at marami naman akong nagawang projects. Marami kayong pwede balikbalikan. balato niyo na sakin ang buhay ko ngayon :) 30 years naman na ko sa inyo!” Nagkanayon si Angelica.
Ang iyang hinigugma nga si Gregg Homan maoy amahan sa gisabak ni Angelica. Magsaulog sila sa ilang second anniversary isip magka relasyon sa umaabot July 11, 2022.