CEBU, Philippines — Si Miss Universe 2021 first runner-up Nadia Ferreira ang bag-ong uyab sa singer nga si Marc Anthony.
Human sa pipila ka higayon nga nagkuyog ang 22-anyos nga beauty-queen/ model ug 53-anyos nga singer, hingpit na nilang gipublikar ang ilang relasyon pinaagi sa usa ka IG post. Gisabak ni Marc Anthony ang pambato sa Paraguay sa Miss Universe sa nilabay nga tuig.
Caption sa singer niini mao: May God multiply all that you wish for us. Present sab si Nadia sa US concert tour ni Marc Anthony.
Si Marc ang kanhi bana ni 1993 Miss Universe Dayanara Torres. Naminyo sila niadtong 2000 ug nagbuwag pagka 2004. Aduna silay duh a ka mga anak. Nag-ipon sab sulod sa pito ka mga tuig sila si Marc ug Jennifer Lopez. Aduna silay kaluha nga mga anak.
Human niini, naminyo si Marc ngadto sa Venezuelan model nga si Shannon Lima. Nilungtad og tulo ka mga tuig ang ilang relasyon.
Bida na gyud!
Human sa 14 ka tuig sa industriya isip supporting cast, bida na gyud si Josef Elizalde. Kini pinaagi sa Ex Deal 2, nga sequel sa hit film ni direk Lawrence Fajardo niadtong 2011. Ang mga newcomers nga sila si Angela Morena ug Rob Guinto ang iyang leading ladies.
“When I was offered this project, lead role pa, siyempre, I was very thrilled, I was very honored na I was given this opportunity after 14 years of being in the industry,” nagkanayon siya atoll sa presscon niadtong Lunes.
Padayon niya, “Although, meron akong konting hesitation kasi kailangan kong pag-isipang mabuti if kaya ko bang gawin ito, not only because of my personal… but also ayokong mabigo si Direk Law Fajardo.
“Ayokong mabigo ang Viva na binigyan ako ng ganitong project tapos hindi ko maibibigay nang todo. But aside from that, I was really really happy and very thrilled.” Nasulod si Sef sa showbiz pinaagi sa Pinoy Big Brother Teen Edition Plus niadtong 2008. Si Ejay Falcon ang big winner sa maong edition.
Andam na mag-frontal
Andam na nga mopakita sa iyahang buhi atubangan sa camera ang newcomer nga si Benz Sangalang sa umaabot niya nga pelikula nga ubos sa direksyon ni Joey Reyes. Kini mao ang “Secrets” para sa VivaMax, diin makauban niya sila si Miss Philippines Earth 2019 Janelle Tee ug Felix Roco. Gumikan niini, nabanhaw ang isyu kaniadto nga matud pa napungot siya dihang may niingon niya nga angayan nga mosugot siya og “frontal nudity”. “Siguro sa umpisa lang po. Pero siyempre, trabaho naman. Saka hindi lang naman ako ang gagawa niyan, pati yung mga sikat talaga. Ginawa na nila, e. Paano pa ako? Wala pa nga akong pangalan, tapos aarte na ako?” Aduna na siya’y sexy scenes sa pelikulang Rainbow’s Sunset ni direk Joel Lamangan, apan na-edit out ang kasagaran niyang eksena. Para kang Benz, ang importante apil siya sa credits ug sa poster.
“Yung sinayang mo…”
Nalingaw ang fans ni sa ex-lovers nga sila si Diego Loyzaga ug Barbie Imperial. Nagsugod kini dihang nag-upload og hulagway sa Barbie sa Instagram aron ibandera ang bag-ong color sa iyang buhok. Nikomento og pangutana si Diego: Poison Ivy? Tubag ni Barbie: ako nga pala yung sinayang mo HAHAHAH AHAHAHA." Usa ka bulan na human giangkon ni Barbie nga natapos na ang usa ka tuig nga relasyon nila ni Diego. Apan pabilin gihapon sila nga managhigala. Hinungdan nga may mga naglaom nga magkabalik pa sila. Apan una na nga namahayag si Barbie nga wala siyay gibalikan nga ex, nga buot pasabot, dili na sila magka part two ni Diego.
“Guide your daughter well..”
Kalmante nga gitubag ni Dawn Chang ang usa ka netizen nga nihingan niya nga “sawsaw suka”, gumikan sa iyang komento nga post niadtong Biyernes kabahin sa violence against women. Wala siyay ginganlan, apan gi-post kini niya sa pagbuto sa isyu tali sa manag-uyab nga sila si Kit Thompson ug Ana Jalandoni. Matud pa sa netizen, bisan ang kalalakin-an, dili sab deserve ang kapintas ug panamastamas. Tubag ni Dawn: “Tama ka no one including men deserves violence. Sana hindi mo nararanasan yan ngayon. Sana hindi rin maranasan ng anak mo pag laki nya. Kaya please guide your daughter well because one day she will love hard and she will give her all.”
Alur ug AJ sa Scorpio Nights
Gitakdang himuon sa Viva Films ang “Scorpio Nights 3”, sa umaabot nga Mayo. Ang gikatahong magbida niini mao ang giingong manag-uyab nga sila si AJ Raval ug Aljur Abrenica. Wala pa madetalye unsa kini ka sexy itandi sa unang duha ka mga bersyon. Ang unang Scorpio Nights, gibituonan nila ni Anna Marie Gutierrez, Daniel Fernando ug Orestes Ojeda niadtong 1985. Ang Scorpio Nights 2 gisalida niadtong 1999, diin bida sila si Joyce Jimenez ug Albert Martinez.