Ana Jalandoni bugbog-sarado, Kit nasa kulungan pa!

Nakikiusap ang management group ng actor na si Kit Thompson, ang Cornerstone, na ‘wag munang husgahan ang actor matapos itong damputin at i-detain ng Tagaytay PNP dahil sa diumano’y pananakit nito sa kanyang girlfriend na si Ana Jalandoni na diumano’y buntis sa kasalukuyan.

Sa kanilang inilabas na official statement sinabi nilang : “As we have yet to receive a formal report regarding the alleged incident, we could not give a response nor comment on the matter.

“However, we request the public to be mindful of casting judgment based on unfounded reports being circulated online,” bagama’t kalat na ang report ng PNP Tagaytay sa social media at inihahanda na diumano ang mga ebidensiya para makasuhan na ang actor. “We condone any act of violence, especially against women. As we celebrate ther Women’s Month, we coudn’t stress enough the inherent role of the PNP to protect the rights of every woman in society,” bahagi ng statement ng PNP.

Kahapon ay ni-rescue nga ng mga police ang sexy star na si Ana sa isang hotel sa Tagaytay.

Ayon sa pahayag ni Ana, nagkaroon sila ng misunderstanding ng actor na nagresulta sa pananakit nito.

Diumano ay sinaktan siya nito sa iba’t ibang bahagi ng kanyang katawan.

Matapos ang matagumpay na rescue operation, isinugod si Ana sa hospital para gamutin. Dinala naman sa tanggapan ng pulisya si Kit para imbestigahan sa mga pangyayari.

Nag-trending si Kit dahil sa kumalat na photos ni Ana na may black eyes.

Nag-post naman si Ana ng “When you love someone you will never ever harm them.

Minahal mo ba talaga?

“This is me saying, you all should be careful out there. I can’t reply to all of you right now but thank you for checking up on me.

I will release a statement soon.”

Sunud-sunod pa naman ang raket ng actor lately at three days ago lang ay nag-presscon pa siya para sa digital series na Ang Babae sa Likod ng Face Mask starring Hipon Girl (Herlene Budol).

Nakalkal din ng netizens na merong pelikula si Kit na Ang Sarap Mong Patayin na si Darryl Yap ang direktor.