Bea, lumayas ng ‘Pinas, sa Madrid ang biyahe
MANILA, Philippines — Walang ipinakitang kasama si Bea Alonzo habang nasa eroplano kahapon. Eh sa caption ni Bea, Madrid ang destinasyon niya.
Ramdam na ramdam sa bungisngis ni Bea sa pictures na nakalagay sa kanyang Instagram ang excitement sa biyahe niyang ito.
Sa dagdag na info sa caption niya, last 2019 pa noong nasa Europe siya at matagal na hindi nakasakay sa isang international flight.
“and I’m off to Madrid! Kitang kita nyo ba yung excitement ko? It’s been a long time since I’ve boarded an international flight, and the last time I was in Europe was in 2019 pa. I’ll be sharing pictures soon. Bye for now, Manila!”
Wala namang tugon si Bea sa tanong ng followers niya kung kasama niya ang boyfriend na si Dominic Roque pero obvious na hindi ito kasama.
TITIMG, second episode na
Tagumpay ang unang episode ng Take It! Take It! Me Ganon na tanging sina Manay Lolit Solis at Mr. Fu ang hosts last Tuesday.
Palibhasa may rapport na sina Manay at Mr. Fu kaya naman swak na swak pa ang batuhan nila.
Bago na rin ang location ng online show ng PSN/PM, ang Super Sam (60, 1103 Sct. Tobias St, Diliman, Quezon City) kaya nabago rin ang ambience ng show.
Ngayong tanghali, 12NN-1PM ang second episode ng Take It, Take It! Me Ganon kasama sina Mr. Fu at Manay Lolit na nangangakong hindi bibiguin ang gustong maki-Maritess sa mga ganap sa showbiz!
Eh kahit dalawa lang ang hosts, present as always ang misteryosang si Salve, huh! Mag-host na kaya siya, ‘di ba? Bongga!
- Latest
