Dili makamao mo-igat-igat si Thea Tolentino, hinungdan nga nagpatudlo siya kang Yasmien Kurdi nga kauban niya sa GMA7 series Las Hermanas. Kinahanglan ni Thea nga mag-inigat kay mao kini ang eksena nga gipangayo sa iyang umaabot nga pelikula Take Me To Banaue nga plano nga isalmot sa international film festivals ug diin, Amerkano ang mga actor. Human siya gitudluan ni Yasmien, nagmugna dayon siya og audition video nga maoy iyang gipadala ngadto sa director sa maong pelikula. Nakuha niya ang role, busa maisip nga maayo siyang pagkatudlo ni Yasmien.
Graduating
Mo-graduate na si Ruffa Gutierrez sa iyang Bachelor of Arts major in Communication Arts nga kurso sa umaabot nga Hulyo. Nahisgutan kini ni Ruffa niadtong Biyernes isip hurado sa “Sexy Babe” segment sa It’s Showtime. Gipangutana siya nganong ni absent siya sa nilabay nga adlaw. Naku, nag-aaral ako. I had academic deadlines! Practicum ko na. Tomorrow ang last day ko," butyag niya. Sa nilabay nga tuig, gibutyag ni Ruffa nga ni-enroll siya sa maong kurso pinaagi sa Expanded Tertiary Education Equivalency and Accreditation Program (ETEEAP) sa Philippine Women’s University. Ubos sa maong programa, ma-credit ang imong work experience, mao nga dali ra mahuman ang estudyante. Ni Ruffa pa kabahin sa iyang umaabot nga graduation: “At least hindi na lang ako high school graduate. Pero, excuse me, 13 years old naman nagtatrabaho na ako, ‘di ba. [It’s] never too late!”.