Matapos magkaroon din ng COVID (kasama ang asawa at almost one-year old na anak), mapapanood na si Mark Herras sa pinakabagong legal drama series ng Kapuso Network, ang Artikulo 247.
Unang serye ito ng tinaguriang Bad Boy ng Dance Floor this year kung saan gaganap siya bilang si Elijah Borromeo, isang mabait at ideal son. Kakaiba at challenging man diumano ang role ng actor na naging controversial last year, excited si Mark na mapanood ng viewers ang programa dahil ibang klase raw ang istorya nito at siguradong kapupulutan ng aral.
Last year nagsimula ang lock-in taping para sa Artikulo 247 at base sa mga behind-the-scenes photos na ipinasilip ng GMA, kitang-kita na puspusan ang paghahanda nila nina Rhian Ramos, Mike Tan, Kris Bernal, at Benjamin Alves.