Bakunawa, inirampa ni Beatrice

Confusing ang number 1 trending kahapon na #BringHomeTheCrown at #Pinas­LangMalakas. Eh saktong pinag-uusapan sa social media ang preliminary round sa Miss Universe 2021 sa Eilat, Israel.

Pero hindi pala ‘yun para sa pambato nating si Beatrice Luigi Gomez kundi para sa laban ng Blacklist International sa M3 World Championship (Mobile Legends) kung saan malakas ang pambato ng bansa (Blacklist International).

Grabe kasi ang e-sports na ito. Kahit sa mga live streaming, massive ang live vie­wers. Kahapon sa YouTube 60K and live viewers habang sa Facebook 75K. At 1 million viewers sa mismong channel ng ML sa Singapore.

Na isa sa mga rason kaya bawas na bawas talaga ang nanonood sa mga programa sa free TV.

But anyway, ‘bakunawa’ ang national costume na inirampa ni Beatrice Luigi sa preliminary round ng Miss Universe. Ang explanation ng Miss Universe PH ay : “In Bea’s national competition, she wore a Bakunawa dragon costume depicted in its mid-life cycle. In Philippine mythology, the Bakunawa is a serpent-like dragon that’s believed to cause eclipses. It is said to swallow the moon. It’s also part of the shamanistic rituals of the babaylans or Filipino shamans.

“She continues this narrative by taking it the Bakunawa in its final form: The Golden Lunar Dragon.

“This is a metaphor for Bea’s growth and personal evolution. The costume is done in gold as it is considered to be the perfect element and acts much like an enchanted armor. The Bakunawa appears in Philippine literature, arts, pop culture, and even children’s games.

“The Bakunawa costume is made by Axel Que while the intricate, handcrafted metal headdress depic­ting the moon and accessories were done by Manny Halasan.”

Actually, parang ang bigat nito pero nairampa ni Beatrice na walang tapilok.

Sa evening gown and swimsuit competition ay malakas din ang naging dating ni Beatrice.

Pero bukod kay Beatrice, inabangan din si Marian Rivera sa preliminary round na parang isang kandidata rin.

Suot ang elegant black gown, nakahanap si Marian ng new friend sa Miss Universe. “A lot of laughter and a little bit of dancing with my seatmate and new found friend -? Urvashi Rautela.” Si Urvashi ay former Miss Universe (India) and Bollywood actress.

Sinabi naman ni Urvashi na si Marian na ang favorite Filipino actress niya at “She glows, she glows like the sun, and I love her smile! Sun with rays.”

Kaya kahit ano pang sabihin nila kay Marian, Miss Universe judge siya at international ang exposure.

Sa Lunes sa bansa mapapanood ang coronation ng Miss Universe 2021 na eere nang live sa A2Z channel 11 simula 7:30 a.m.