Dear MOR, umariba sa top 5 most popular Podcasts ng Spotify
MANILA, Philippines — Pasok ang Dear MOR sa top 5 most popular podcasts ng Spotify Philippines. Patunay na dumarami ang mga Pinoy na nakikinig sa mga kwento ng buhay at pag-ibig sa pamamagitan ng podcast nito na napapakinggan na ngayon sa 79 na bansa.
Kasama ang host nitong si Popoy, napatunayan ng Dear MOR: The Podcast na patok ito hindi lang sa mga tagapakinig sa Pilipinas kundi pati na sa iba’t ibang bahagi ng mundo. Sa ngayon, ito ang nangungunang podcast na ipinrodyus ng ABS-CBN na nasa ikatlong pwesto sa Most Popular Podcasts chart ng Spotify Philippines 2021 Wrapped at palagi ring nasa top 10 ng Apple Podcasts simula nang ilunsad ito noong May 2020.
Dalawa rin sa episodes nito, ang Quarantine (The Lemuel Story) at True Love (The Yvet Story), ang napasama sa Best Stories Podcasts of 2021 at Podcast Essentials editorial playlist ng Spotify Philippines.
Kahit masaya sa tagumpay ng drama anthology bilang podcast, inamin ni MOR Entertainment Digital Lead Eric Galang na hindi siya kumbinsido noong una na tatangkilikin ito kahit na paulit-ulit na itong sinasabi ng executive producer ng programa na si Macoy Marcos.
“Bumabalik lang siya doon sa fact na ‘Dear MOR’ at its core kasi is an audio experience na shine-share natin sa kanila at naibalik ng podcasting ‘yung experience na ‘yun—na okay I’m listening to the stories again,” sabi ni Macoy niya.
Mapapakinggan ang iba’t ibang istorya ng pag-ibig at buhay sa Dear MOR: The Podcast sa Spotify, Apple Podcasts, Google Podcasts, Pocket Casts, TuneIn, at iba pang Podcast channels.
- Latest
