CEBU, Philippines — Yes, ug heart emoji. Mao nay caption sa Cebuana diva nga si Sheryn Regis niining hulagway nila sa Youtube star nga si Mel de Guia, nga sakop sa LGBTQI+ community. Ug gituohan sa publiko nga mao na kini ang kumpirmasyon ni Sheryn sa mga pangutana kun aduna na ba silay relasyon ni Mel.
Sa Tiktok, nag-uplod sab siya og hulagway nila ni Mel nga may background music sa iyang version sa kanta nga "One Hello." Giapil sab niya og butang ang tipik sa kanta nga nagkanayon: "FIRST YOU GOTTA LET THEM IN CUZ LOVE BEGINS WITH HELLO."
Dinhi ni komento ang singer nga si Ice Seguerra nga nagkanayon: So happy for you!" Tubag ni Sheryn: "Thank you Ice."
Buwag na si Sheryn sa iyang bana nga tua sa Amerika kauban sa ilang anak. Dul-an duha ka dekada siya nga nanimuyo didto sa Amerika.
Si Mel, buwag sab sa partner niya nga si Nicole Mendoza nga sama niya nga youtuber diin naila sila isip "The Ulagas,". Naila sila ni Nicole nga proud LGBT couple. Apan niadtong September, nigawas ang tsika nga buwag na sila.
"Walang Hanggang Paalam"
"Irreplaceable". Mao nana ang titulo sa ABS-CBN series nga "Walang Hanggang Paalam", inig salida niini sa Netflix sa December 24. Mao kini ang series nga gibituonan nila ni Zanjoe Marudo, Arci Munoz, Paulo Avelino ug Angelica Panganiban.
"Mano Po Legacy"
Installment, o daw mini-series ang mahitabo nga TV version sa Regal Entertainment movies nga Mano Po, sa pagsalida na niini sa GMA7. Si Barbie Forteza ang gidungog nga maoy magbida sa unang installment. Gikataho sab nga mobida sa musunod nga installments sila si Bianca Umali ug Kisses Delavin. Mano Po Legacy na ang titulo niini sa telebisyon.
Nagdate na pud...
Nagfiesta na sab ang mga marites karong panahona gumikan kay ang latest tsika, nasigpatan sila si Paolo Contis ug Yen Santos nga nanuroy sa usa ka mall sa Makati niining bag-o lang, ug matud pa sa nakakita, nag-agbayay pa ang duruha. Nagkuyog matud pa sila og pangaon. Kahinumduman nga nagbuwag sila si Yen ug Paolo pipila ka bulan na ang nilabay. Human niini, nasigpatan nga nagkuyog si Yen ug Paolo didto sa Baguio. Apan matud pa sa aktor nanuroy sila didto "as a friend."
Kinsa uy?
Nabahin ang netizens sa gipaulbo nga tsika ni Xian Gaza. Suma pa niini, may gibisita si Gerald Anderson nga laing babay, samtang naka lock in taping ang uyab niya nga si Julia Barretto. May mga netizen nga nagduda nga hayan promo ra kini aron mahisgutan ang umaabot nga series ni Gerald kauban si Gigi de Lana, ug ang upcoming movie nila ni Julia. Apan may mga marites nga niapela gyud kang Xian aron nganlan na niini ang gibisita ni Gerald.
Ikaw na, Awra!
Viral karon ang latest vlog sa broadcast-journalist nga si Karen Davila. Mao ni ang episode nga gipakita sa kanhi child star nga si Awra Briguela ngadto kang Karen ug sa publiko ang bag-o nilang balay nga napatukod niya alang sa iyang pamilya pinaagi sa iyang pagkayod sa showbiz.
Subli sab nga nahisgutan ang pagpa iskuyla ni Awra sa iyang amahan nga si Oneal, diin nakahuman gyud og kursong business management ang nahisgutan.
"Gustong gusto po ni Papa na bumalik sa pag-aaral kasi gusto niyang ipakita sa amin na kahit anong edad mo pa pwede kang bumalik sa pag-aaral anytime.
"Gusto niyang patunayan sa amin na sobrang mahalaga talaga ang pag-aaral," tsika pa ni Awra ngadto kang Karen.
Paglab-as sab ni Oneal: "Thirty two years old na po ako nun, ako yung pinakamatanda sa batch namin na grumaduate... Noong una nahihiya ako, pero mindset ko pakapalan na lang ng mukha nito, kung di ko kakapalan mukha ko walang mangyayari.. awa ng Diyos habang tumatagal mas na a appreciate nila yung ganong mindset.
"Na realized ko na iba kapag may aral, iba yung kapag naka graduate ka, ayokong mangyari sa point na dumating yung mga anak ko sa ganon," niya pa.
Mura'g uyab...
Subling nasigpatan nga nagkuyog sila si John Lloyd Cruz ug ang artist nga si Isabel Santos, hinungdan nga nisamot ang pagtuo sa publiko nga manag-uyab na ang duruha.
Nagkuyog sila adtong December 6, sa Crown Talent Management Christmas party. Ang maong agency, iyaha ni Maja Salvador ug maoy nagdumala karon sa career sa aktor.
Sa group picture, giagbayan ni Loydie si Isabel.Sa usa ka picture, nagduko ang aktor nga nag kalo. Sa laing hulagway, nagtan aw sila sa camera nga nagkatawa.
Una niini, nasigpatan sab ang duruha nga nanuroy sa duha ka art gallery sa Makati. Art lover si Loydie, ug matud pa nagkaila sila ni Isabel adtong 2017 pinaagi sa usa ka art exhibit.
Sa nilabay nga bulan unang nitumaw ang pagduda sa matuod nga relasyon sa duruha. Kini human may mga post si Isabel nga lalaki nga nagtalikod ug ang bayhon susama sa aktor. May post sab si Loydie nga naa sa sakyanan, nga nasubay sa netizen nga susama sab sa gi post ni Isabel.
Apan wala gyuy lig-on nga katin-awan kun manag-uyab na ba gyud ang duruha.