Ashmatt at iba pa, may concert sa Disyembre

Ilan sa bigating OPM performers na sina Maymay Entrata, Angeline Quinto, SB19, BGYO, at BINI ang mapapanood sa KTX.PH para sa kani-kanilang concert treats ngayong Nobyembre hanggang Disyembre.

Mapapanood naman ang unang digital concert ni Maymay Entrata sa Biyernes (Nob.26) na pinamagatang MPowered kung saan makikita ng publiko ang kakaibang confidence ng dalaga sa kanyang concert. Sa halagang P899, maaring mapanood ang concert at makasama sa after party.

Tuluy-tuloy pa rin ang pagpapalabas ng natitirang siyam na concerts ni Angeline Quinto na kasama sa kanyang 10Q: Ten Years of Angeline Quinto at the Metropolitan Theater. Makakasama ni Angeline si Vice Ganda ng Biyernes (Nob. 26) at Erik Santos naman ng Sabado (Nob. 27). Puwedeng bumili ng season pass sa halagang P3,000 para sa natitirang na concerts o P499 kada concert.

Live naman mula sa Araneta Coliseum mapapanood ang inaabangang third anniversary concert ng SB19 na The Zone sa Sabado (Nob. 27) at Linggo (Nob. 28). Isang treat nga para sa A’Tin ang concert dahil puno ito ng live performances, games, at ilan pang sopresa. Sa mga gustong maging live audience at ma-stream ng live ang 2-day concert, Live Sound Check, magkaroon ng P1,000 worth of Gift Card na pwedeng ipambili sa SB19 Official Online Shop, at isang raffle ticket para manalo special prizes, available pa rin ang Zone19 ticket sa halagang P5,500. Sa halagang P4000 o tinatawag na Zone B ticket, maari pa rin ma-enjoy ang lahat ng nasabing perks ngunit hindi lang ang maging live audience member. Samantala sa mga gusto lang manood ng isang araw na concert, available rin siya sa halagang P1,000.

Huwag din palampasin ang unang back-to-back online music festivals na 1MX Dubai at 1MX Manila sa Dis. 3 (Biyernes) sa halagang P499. Panoorin ang performances ng BGYO, BINI, Moira dela Torre, Gigi de Lana at marami pang iba. Mangyayari naman sa Dis. 5 (Linggo) ang unang major online concert ng Ben & Ben na Kuwaderno na mapapanood ng LIVE sa Big Dome. Pwedeng maharana ng Ben & Ben sa Zoom at makapunta sa Ben & Ben house ang bibili ng Tinatangi ticket sa halagang P8,000. Isang virtual backstage tour ang kasama ng Mahiwaga ticket sa halagang P5,500, meron naman libreng Ben & Ben merchandise ang bibili ng Magka-ibigan ticket sa halangang P3,500, o hindi kaya ang Kaibigan ticket kung saan magkakaroon ng access ang fans sa concert.

Abangan din ang mga handog nina Nina na Nina: The Live Edition sa Nob. 30 (Martes) hanggang Dis. 1 (Miyerkules), Salubong ng Sponge Cola, Aegis, at CLR  sa Dis. 10 (Biyernes) to Dis.11 (Linggo), Evoluxion ng Ex Battallion sa Dis. 11 (Sabado), Christmas concert nina Ogie Alcasid at Ian Veneracion na Christmas with the Stars sa Dis. 11 (Sabado), Holiday Serenade ng WWF sa Dis. 17 (Biyernes) hanggang Dis. 19 (Linggo), Sundin ang Loob Mo ni Basil Valdez sa Dis. 18 (Sabado) to Dis. 19 (Linggo) at ang The Company: The Christmas Roadtrip ng The Company sa Dis. 25 (Sabado) hanggang Dis 26 (Linggo). Nagbabalik naman sa concert stage ang Popstar Royalty na si Sarah Geronimo kasama ang asawang si Matteo Guidicelli sa Christmas with the Gs sa Dis. 18 (Sabado). Abangan ang paglabas ng ticket prices sa KTX.PH.