Makasaysayanon ang pelikula nga Mang Jose nga isalida sa VivaMax sa December 24, isip Christmas special. Kini kay sa labing unang higayon, magkuyog niining maong pelikula sila si Manilyn Reynes, Bing Loyzaga ug Janno Gibbs.
Alang sa mga bag-ong tubo, labihan ka sikat sa love team nila ni Manilyn ug Janno kaniadtong “dekada 80” isip mga sakop sa youth-oriented show That’s Entertainment, diin nalakip sab si Bing. Apan nabuak ang panagpares nila ni Janno ug Manilyn kay gipili sa actor si Bing.
Gani, may tsika nga tinuod gyud nga nihilak si Manilyn pag-record niya sa iyang hit song nga “Sayang na Sayang” niadtong 1989, sanglit niining maong panahona nabuak ang ilang love team. Labihan ang pagsaway nga nadawat ni Janno niadtong panahona.
Apan karon, human sa daghang mga katuigan, nalimtan na ang maong hitabo ug managhigala na silang tanan. Komedya pa ni Janno, sa kasuod nila ni Manilyn ug Bing, una ug katapusan kini nga pelikula nga magkuyog sila.
“E, kasi kapag magkasama yung dalawa sa tent, puro ako ang pinag-uusapan nila, nilalait. Kawawa ako.
“We’re all good friends, kaming tatlo. Proof to that is puwede ko silang iwanan sa isang tent na magkasama."
Dugang pa niya, “Actually, I requested Manilyn for this role. It’s a different role for her. Spoiler alert: siya po ang pinaka-main villain ni Mang Jose. Ako rin ang nag-request for Bing.”
"I really wanted the three of us together kasi nga hindi pa nagagawa, and I think it’s high time before kami tumanda nang tuluyan, e, magkasama-sama naman kami sa isang movie.