Arnel at Bamboo, puring-puri ng concert produ sa Amerika

All praises ang Spotlight Media Entertainment owner na sina Ms. Pen de Leon-Manahan at Mr. Jerry Manahan sa Pinoy rock singers na sina Arnel Pineda at Bamboo na tagumpay ang ginanap na series of concert sa Amerika, titled First Light.

As in super duper bait daw ng dalawa kaya ngayon, nagbabalak uli ang mag-asawang Manahan na i-produce ang dalawa ng mga concert pa sa Amerika.

Ginanap ang concert sa Las Vegas, Nevada, San Jose, California at ang ika-third sa Snoqualmie Casino sa Snoqualmie, Washington (tabi ng Seattle).

Lutang din daw ang husay ng dalawang Pinoy rakista ayon kay Jun Lalin na pinanood ang nasabing tour nina Bambbo and Arnel kasama si Ate Pen.

Chika ni ateng Jun, dahil daw sa pagsama niya sa tour ng First Light, na-discover niya na hindi nagsa-shampoo si Arnel. As in conditioner lang daw ang gamit nito ‘pag naliligo dahil oras daw na gumamit ito ng shampoo, kumukulot ang buhok nito. At ito pa, nalaman din ni Jun na may 32 years old nang anak ang Journey vocalist.

Habang si Bamboo naman, nadiskubre niyang, isang vegan. Na kung sabagay ay hindi na mahirap gawin ngayon dahil ang dami nang ready to eat na vegan food.

Hahaha. Sosyal talaga itong si ateng Jun, halos sa Amerika na nakatira at panay ang pasyal.