Kahit pinayagan na... mga sinehan, ‘di nagbukas!

Kung ang mga restaurant at pasyalan ay dinadagsa na ngayong Alert Level 3 na ang National Capital Region, masaklap naman ang kala­gayan ng mga sinehan.

Kahit pinapayagan na silang mag-operate with 30% capacity para sa mga vaccinated, hindi naman nagbukas ang mga sinehan sa ilang mall sa Metro Manila.

Wala pa raw advice ang management ng mga mall kung kailan sila magbubukas uli.

Sad.

Wala rin siguro talagang maipalalabas na bagong pelikula dahil wala namang natapos at puwedeng maka-attract ng mga tao na magbayad at gumastos para lang manood sa sinehan.

And of course, takot ang karamihan sa kulob na lugar tulad ng mga sinehan.

Sa kasalukuyan ay kuntento na ang karamihan sa panonood sa mga video-on-demand platforms.