Julie Anne San Jose, grateful sa success ng 1st leg ng Limitless
Nagpapasalamat ang Asia’s Limitless Star na si Julie Anne San Jose sa lahat ng nanood at sumuporta sa first part ng kanyang online show na Limitless, A Musical Trilogy na nag-premiere noong Biyernes, Sept. 17, at nagtrend sa social media hanggang kinabukasan.
Sa first part nito na Breathe, dinala ni Julie ang mga manonood sa Mindanao kung saan hindi lang niya ibinahagi ang kanyang musika kundi pati na rin ang kultura ng local residents na nakasama niya.
Tinuring nga ni Julie na ‘masterpiece’ ang nasabing musical journey produced by GMA Synergy at sana nga raw ay samahan pa siya ng mga concert-goer sa susunod na dalawang leg na Heal at Rise.
“I just finished watching the first part of ‘Limitless, A Musical Trilogy.’ It was a roller-coaster of emotions, same way na roller-coaster ride din ‘yung pinagdaanan namin. It was beautifully captured, everyone really put in the hard work. This is a masterpiece and I also hope that this is something that can change your life and your perspective. I was able to breathe and rediscover myself once again. My heart is so full right now. Cheers to life, nakahinga na ‘ko. It’s time to heal and rise up. God bless everyone, love you all,” ani Julie sa isang video message.
- Latest
