LJ natatakot nang kausapin si paolo, siguradong-sigurado sa kasalanan ng aktor!

Inamin na ni LJ Reyes na matindi ang pinagdaanan niya sa naganap na hiwalayan nila ni Paolo Contis.

Ito ay matapos ang interview ni LJ kay tito Boy Abunda tungkol sa pinag-uusapang hiwalayan nila ng actor. “It was so difficult, it was so painful,” pag-amin ni LJ sa digital program ni tito Boy na The Interviewer na mabilis na naging hot item sa social media kahapon.

Ayon pa kay LJ, “Siguro tito Boy kung hindi malakas ’yung pananampalataya ko sa Pangi­noon, hindi ko alam kung saan ako pupulutin, kung hindi matibay ang pagmamahal ko sa mga anak ko para maging motivation siya sa akin, to stand up and wake up everyday, hindi ko alam kung saan ako pupulutin,” sabi pa ng aktres na may isang anak kay Paolo, si Summer, na kasalukuyang nasa New York kasama si Aki (Paulo Avelino).

At kung may third party man daw na pinag-uusapan, least concern niya ito.

Ang sinasabi ni LJ ay ang mga anak na nila ang nagawan ng kasalanan kaya kinakailangan na nitong ilayo ang mga ito.

Pero ayaw na niyang idetalye kung ano ‘yun. Basta ayaw na lang daw niyang gamitin ni Paolo ang mga anak nila at maiba ang mga kuwento.

For the past two months, sinabi ni LJ na ang daming revelations, ang dami niyang mga na-uncover  at ang nagpapatulog lang sa kanya ay ang worship songs at minsan daw ay binabangungot na siya sa mga nadiskubre niya kay Paolo.

May mga tao raw na nagmi-message sa kanya na may sightings at hindi raw siya puwedeng magkamali rito.

Sinabi rin ni LJ na hindi mutual ang naging hiwalayan nila.

Maraming beses din daw niyang tinanong ito at sinasabi raw ni Paolo na ‘akala mo lang ‘yun.’

Binura na rin ni LJ ang lahat ng photos ni Paolo sa kanyang Instagram account.

Ayon pa kay LJ, hindi niya lang masabi kung ano ‘yun pero, sobrang sakit daw.

Hindi na nga raw umuwi si Paolo sa bahay nila ni LJ matapos ang lock-in taping nila ng I Left My Heart In Sorsogon at sa bahay na ng parents niya ito dumiretso sa Mandaluyong ayon sa isang source.

Nasabay ang paglutang ng issue ng kanilang hiwalayan nang ipalabas ang A Faraway Land nina Paolo and Yen Santos.

Ayon kay LJ kumapit siya sa Diyos kaya nakayanan niya ang lahat at hindi raw niya lubos akalain na masasaktan siya at ang mga bata ng ganun kagrabe dahil umasa siya sa isang buong pamilya.