MANILA, Philippines — May bagong restaurant si Allan K. Bukod ito sa Japanese resto niya sa Morato Avenue, QC.
Sa Las Piñas daw ang bagong resto ni Allan. Pinangalan niya itong Zirkulo na obviously mula sa nagsarang comedy bar niyang Zirkoh.
Nagkaroon na ito ng food tasting at ayon kay Allan sa kanyang Instagram account eh successful ang naganap na food tasting.
Wala pa kaming ibang detalye kung anong food ang ihahain ng Zirkulo. Pero may dine in daw dito. Bawal pa nga lang ngayong modified enhanced community quarantine ang dine in at al fresco dining.
Kahit naapektuhan ang malaking negosyong comedy bars, hindi pinanghihinaan ng loob si Allan para sumuko ngayong pandemya, huh!
Ate guy, inaasikaso ang mga lupain sa Bicol
Bumiyahe pala sa Bicol si Nora Aunor nitong nakaraang mga araw. Wala siya rito nang mamatay si Albert Sunga na naging malapit din kay Ate Guy at sa mga anak niya.
Mula sa Bicol si Ate Guy bago nadiskubre ang galing sa pagkanta at eventually sa pag-arte.
Pero isang malapit sa kanya ang nagsabing may mga lupa pala si Nora sa Bicol. Malawak daw ang lupain niya.
Wala namang sinabi sa amin kung ano ang ginagawa ng superstar sa Bicol. “May inaasikaso po,” sabi sa amin ng malapit sa kanya.