Season break ang The World Between Us nina Alden Richards, Jasmine Curtis, Dina Bonnevie, Jacklyn Jose, Tom Rodriguez among others. Though mapapanood pa ito until Friday this coming week.
Bitin nga ang manonood sa kuwento kung saan sisihin ang character ni Alden na si Louie sa isang bagay na hindi niya ginawa.
At ‘yun na raw ang pinaka-dead-end ni Louie ayon kay Alden sa ginanap na media announcement nito kahapon. Pero pagbalik ay babawi naman siya. “So after that ‘yun po ‘yung aabangan nila after the season break. Parang wala pa nga po ‘yun dun eh pero I’m just giving out this tiny bit of information para ‘bakit ako makukulong’, ‘sino magpapakulong’, ‘anong ginawa ko na hindi ko naman ginawa’.
“And exciting po ‘yung pagkakasulat kaya dun po ako looking forward and dito po sa episode na ipapalabas namin sa Lunes, s’yempre sa season break naman gusto pa rin natin bigyan ng mystery ‘yung show,” pahayag pa ng aktor.
“Pwede natin bigyan ng reason para mag-isip ‘yung mga taga-panood po. Ang bibigay ko po sa kanila is hindi lahat ng mapapanood nila this week is ‘yun ang kahihitnan sa dulo,” dagdag pa ng aktor sa interview kahapon.
Ang ECQ ang rason sa matagal-tagal nilang season break. “First and foremost, safety really comes first. We really understand that as a network, as people the audience looks up to, we have to show the same kind of responsibility we expect from each and every Filipino,” paliwanag ni Direk Dominic Zapata.
Sa November 15 na sila babalik.
Ang Legal Wives ni Dennis Trillo with Alice Dixson, Bianca Umali and Andrea Torres ang papalit sa pamamahinga ng TWBU.
Samantala, puring-puri ni Ms. Dina Bonnevie si Alden. Bukod daw kasi sa guwapo ito, guwapo rin ang utak nito. “More than what I expected from him. Hindi lang siya actor, businessman din siya. He’s very kind, gracious, generous. He always think ahead of time, alam niya ang galaw niya. Kapuri-puri siyang artista,” sabi ng mahusay na acctres.
Anyway, kahit break si Alden, magiging busy pa rin ang actor para sa paghahanda ng ‘bagong’ Louie.
Bukod dito, busy din siya sa online studies kung saan kumukuha siya ng finance, business and acting bilang protection na rin sa kanyang family at sa longevity ng kanyang career para handang-handa raw siya sakaling mas matagal pa ang pandemic.
Pero ayon sa actor, babalik siya sa Eat Bulaga ngayong wala siyang taping.
Pinaghahandaan din niya ang gagawin niyang pelikulang with Bea Alonzo.