Mahusay magdala ng problema ang isang kilalang femalepersonality. Hindi siya reklamadora, hindi siya maingay, hindi niya isinasapubliko ang mga nagaganap sa kanyang personal na buhay.
Maraming personalidad na may konting pagkukulang lang ang dati nilang karelasyon ay agad nang nakasumbong sa social media. Sinisiraan na ang ama ng kanilang anak.
Du’nsa aspetong ‘yun naiiba ang maganda at pamosong aktres. Marami siyang gustong ipaabot sa dati niyang karelasyon na kinakapos ng pagsuporta sa kanilanganak pero hindi siya humihingi ng awa sa publiko.
?Kuwento ng aming source, “’Yun naman ang mapupuri natin kay ____(pangalan ng kilalang aktres), hindi siya reklamadora, lalong hindi niya ipinaaalam sa buong bayan ang problema niya.
“Wala tayong nababasang anumang paninira sa ex niya, tahimik lang siya, hindi niya ipinagbabanduhan sa buong mundo ang pagkukulang ng ex niya,” humahangang unang komento ng aming impormante.
?Maligaya na sa kanyang kasalukuyang karelasyon ang female personality. Ang dati niya namang karelasyong male personality ay meron nang pamilya. May mga pagkakataong hindi rin nakatutupad ang lalaki sa mga obligasyon para sa kanilang anak.
?Patuloy ng aming source, “Pero may ipino-post ba siyang makasisira sa image nu’ng male personality? Tahimik lang siya. Hindi niya itinitinda sa palengke ng controversy ang ama ng anak niya.
“Maganda ang ginagawa niya, kinakausap niya ang father ng anak niya, nagpapaalala siya. Hanggang ganu’n lang ang ginagawa niya, hindi siya tulad ng ibang tao nakonting kibot lang, e, nakasumbong na agad sa social media!
“May problema, totoo ‘yun, pero hindi na niya ipinaaalam pa sa taumbayan ang pinoproblema niya. Walang negatibong salita, walang issue. Walang taong nasisira.
?“Ang ganda-ganda ng ugali niya, hindi siya nambabato, kaya wala ring nambabato sa kanya. Ano nga ba naman kasi ang maitutulong sa problema niya kung maglalabas siya ng saloobin sa social media?
?“Pagpipistahan lang sila ng ex niya, paglalaruan lang sila at maba-bash pa siya! Kaya pangpersonal lang ang problema nila, hindi niya ibinebenta sa merkado,” makahulugang pagtatapos ng aming impormante.
?Ubos!
Kulay ng pulitika, humupa ang galit sa pagpanaw ni PNoy
Sa isang panahong may pumanaw at may pamilyang nagdadalamhati ay maraming nakaraan ang nabubura. Humuhupa ang galit, ang kulay ng pulitika ay pumupusyaw, puro positibo ang ating naaalala bilang huling pagrespeto sa nawala.
Ganu’n mismo ang nagaganap ngayon sa pagpanaw ni dating Pangulong Noynoy Aquino. Maging ang mga nakaengkuwentro niya nu’n sa mundo ng pulitika ay nagpaabot ng pakikidalamhati at pag-alala sa kanyang mga nagawa bilang pangulo ng ating bayan.
Nabigla ang buong bayan sa kanyang pagpanaw. Maging ang kanyang mga kapatid ay nagulat, ang kanyang mga kaalyado at kaibigan ay nasorpresa sa naganap, naging maaga para sa kanila ang pamamaalam ni P-Noy.
?Taong 2019, sa death anniversary ni dating Senador Ninoy Aquino ay may sinabi si Kris na nagbigay ng pahimakas na may pinagdadaanang sakit ang dating pangulo. Siya lang ang wala sa Manila Memorial Park, ayon kay Kris ay hindi maayos ang kalusugan ng kanyang kapatid, kaya humihingi ng panalangin ang TV host sa ating mga kababayan.
?“Please include Noy in your prayers because he needs strength,” pakiusap ni Kris. Nu’n pa lang ay kumalat nang parang apoy ang kalagayan ng dating pangulo.
Wala namang perpekto sa mundo. Maging sa hanay ng mga pulitiko ay walang maituturing na tapat sa kanyang pagseserbisyo. Palaging may labis at kulang.
?Pero kasaysayan ang makapagpapatunay na ginawa ni P-Noy ang kanyang trabaho, marami siyang iniwanang magagandang alaala sa ating bansa, pinanatili niya ang kanyang sigaw na tuwid na daan hanggang sa bumaba na siya sa posisyon.
Ang pagpanaw ni dating Pangulong Noynoy ay isang napakatinding kalabit sa katotohanan na sa usapin ng kamatayan ay walang mahirap at mayaman. Dito lang nagkakapantay-pantay ang meron at ang wala.
?Kahit isang truck na kidney ay kayang-kayang bilhin ng namayapang pangulo. Pero totoong-totoo na kapag kumalampag na ang kampana ng pagbabalik ng hiram nating buhay sa Panginoon ay walang nagagawa ang salapi.
?Walang ekstensiyon ang buhay kapag talagang oras na para tayo magpaalam. At walang nabibiling bagong buhay kahit saan kapag dumating na ang takdang panahon ng ating katapusan.
Napakaigsi ng buhay. Hindi natin alam kung kailan tayo tatawagin lalo na ngayong panahon ng pandemya. Huwag nating aksayahin ang pagkakataong hawak pa natin ngayon.
?Kahit isang segundo lang.