NBA player nagbigay ng malaking halaga kay Yassi para sa PGH
Handang-handa na si Yassi Pressman sa Rolling In It Philippines beginning June 5, 7:00 p.m.
Ito ang first project ni Yassi after niyang um-exit sa Ang Probinsyano pagkatapos nang kung ilang taon.
Prior sa airing nito, naging busy si Yassi sa kanyang donation drive para sa PGH na nasunugan middle of May.
At kasama sa mga na-donate sa kanyang initiative, ang NBA star na si Damian Lillard na pinasalamatan ni Yassi nang bisitahin niya ang area na nasunog sa PGH.
“Last Saturday we took the time to visit PGH, the hospital was in dire need of help. Coming to PGH made me deeply appreciate all the nurses, the volunteers, the staff and the mission of the hospital.
“80% of the patients that are checked in, are taken care of for free. They perform close to 30,000 surgeries a year charitably. It was really heartbreaking seeing all of the infants, sobrang saludo po ako sa lahat ng mga tumulong.
“Saludo po ako sa mga taong ‘di nagdalawang isip at ‘di sumuko na itakbo ang mga sanggol palabas ng ospital, tulungan silang huminga hanggang sa maipasok po ulit ang mga breathing machines nila at mailagay sila sa ligtas na lugar. Sa awa ng Diyos wala pong isang bata ang hindi nagsurvive.
“Also, huuuuge thanks to big brother @DamianLillard for sending over such a generous amount, kahit na wala siya sa Pilipinas, just to be able help,” post ng actress three days ago.
Anyway, tampok nga si Yassi sa bagong programa ng TV5, Cignal, ang Rolling In It Philippines, produced by Viva Entertainment.
Subukan ang iyong suwerte sa bagong game show kung saan puwedeng magbago ang guhit ng iyong kapalaran sa isang iglap.
Ito ay isang luck-based game show na may malaking arcade machine. Papaikutin ng contestants ang malaking coin sa conveyor belt upang matukoy kung sila ay may kita o wala.
Bukod sa pagkakaroon ng isang celebrity partner, mayroon pa silang pagkakataon ng manalo ng cash prizes hanggang P2,000,000.
Ang game ay nilalaro ng tatlong pares na contestants with celebrity player ang bawat isa. Bago magsimula, paiikutin muna ni Yassi ang coin para makita ang pot money ng bawat pares.
Pagkatapos, magpapaikot naman ang unang pares ng coin sa conveyor belt para malaman ang halaga na madadagdag o mababawas sa kanilang pot.
Kapag nahulog ang coin sa positive na halaga, maaaring sagutin ng pares ang multiple choice question para makuha ito. Kung negative naman ang halaga, agad na mababawasan ang kanilang pera.
Ang winning pair ay ang nakakuha ng pinakamaraming pera pagkatapos ng siyam na tanong, at aabante sa jackpot round kung saan magkakaroon sila ng chance na palakihin ang kanilang cash prize.
Anyway, maaari ring manood sa catch-up episodes tuwing Linggo, 8:00 p.m. simula June 6, sa Sari Sari Cignal TV CH. 3 at SatLite CH. 30.
- Latest
