Martin at Lani, mapapanood sa buong mundo!
Isang enggrandeng concert experience ang nag-aabang sa fans nina Concert King Martin Nievera at Asia’s Nightingale Lani Misalucha sa paparating na digital concert nilang New Day ngayong Hunyo 6, 11 a.m. at 8 p.m. (Manila time) sa iWantTFC.
Mga awiting pag-ibig at pag-asa ang ihahatid nina Martin at Lani at may kasama pang special performances mula sa OPM hitmakers na sina Rey Valera, Nonoy Zuñiga, at Marco Sison.
Makakabili na ng regular tickets sa halagang P1,200 o US$24.99 sa iWantTFC.
Para makapanood, kailangan lamang mag-download at mag-log in sa iWantTFC mobile app o website gamit ang e-mail address, mobile number, o Facebook account.
Kapag naka-log in na, i-click ang “New Day (Martin and Lani) Show” sa home page o i-type ito sa search bar. Sa “New Day” page, piliin ang “Rent Now” sa oras na gustong mapanood ang concert. Pagkatapos i-check ang billing information at pumili ng payment option, kumpletuhin ang pagbili ng ticket sa “Place Order” button. Hintayin lang ang confirmation e-mail mula sa iWantTFC.
Gaganapin ang virtual concert sa The Theatre ng Solaire Resort & Casino sa ilalim ng direksyon ni Paolo Valenciano kasama si Louie Ocampo bilang musical director.
Sabay din itong mapapanood sa London (1 p.m. at 4 p.m. ), Saudi (6 at 3 p.m.), Dubai (7 a.m. at 4 p.m.), Japan (12NN at 9 p.m.), Sydney (1 p.m. at 10 p.m.), sa West Coast, USA at Canada (Hunyo 5, 8 p.m. at Hunyo 6, 5 a.m.) at East Coast, USA at Canada (Hunyo 5, 11 p.m. at Hunyo 6, 8 a.m.).
- Latest
