Producer, tinabla ang director na humihirit ng malaking budget

Humirit ng malaking budget ang isang director sa kanyang producer. Eh nakakagawa naman ng pelikula ang director na limitado budget.

Kaya tinabla ng producer ang director. Ang pangako sa kanya ng producer, ibibigay niya ang malalaking artistang under contract ng producer.

Hindi naman naghahangad ng malaking kita ang producer sa natapos na movie ng director. Basta mabawi ang puhunan at may konting kita, sapat na ‘yon sa producer.

Sa panahon ngayon, ngayong hindi pa bukas ang mga sinehan, sa streaming platform ang takbo ng mga producer.

Hindi man ganoon kalaki ang kinikita ng movies, hindi na naghahangad ang producers na kumita nang limpak-limpak na datung!

Ang importante eh may mga trabaho ang ilang movie workers sa panahon ng pandemya.

Gladys, kasal na!

Aba, parang kailan lang ang engagement sa non-showbiz boyfriend na si Mike Navarrete ng singer-comedian na si Gladys Guevarra.

Pero ang latest report –kasal na si Gladys kay Mike kahapon! Ipinagmalaki pa niya ito sa isang post sa Instagram.

“I am now officially Mrs. Michael Guardian. Gladys Guevarra Guardias, My forever @mikaelturbo_g12… I love you so much.

“Cheers to our love for all eternity and beyond!” caption ni Gladys sa wedding picture nilang mag-asawa.