CEBU, Philippines — Wala matarog ang kampo ni Kakai Bautista sa bahad sa kampo sa Thai actor nga si Mario Maurer nga mohimo sila og legal nga lakang kun dili muhunong ang aktres sa matud pa paghisgot sa ngalan sa maong langyaw sa mga interviews.
Suma pa sa kampo sa actor sa nilabay nga semana, ang pagpunay matud pa og hisgot ni Kakai sa nahisgutan sa mga interviews niini nakaapekto sa imahe ni Mario.
Apan resbak sa kampo ni Kakai pinaagi sa official statement nga giapod-apod sa iyang abogado nga si Atty. Jude Marfil, walay basehan ang pasangil sa kampo sa actor.
Suma pa, international public figure si Mario busa mahimo kining hisgutan ni Kakai, gawas lamang kun aduna kini gipirmahan nga non-disclosure agreement kabahin sa iyang kasinatian dihang nagkatrabaho ang mga nahisgutan kaniadto.
Suma pa sa abogado, gawasnon si Kakai nga hisgutan si Mario basta ang iyang yawyaw,“based on truth and that she has not signed any non-disclosure agreement with Mr. Maurer and/or his agency, Ms. Bautista is very much free under our legal system to publicly talk about her experiences with Mr. Maurer, who is an international public figure.”
Nagkatrabaho kaniadtong 2012 sa Star Cinema movie nga “Suddenly It’s Magic” ang duruha kauban usab si Erich Gonzales. Dinhi nagkahigala sila si Kakai ug Mario.
Dugang pa sa kampo ni Kakai nga walay basehanan ang pasangil sa kampo ni Mario nga gipahimuslan ni Kakai ang paggamit sa ngalan sa Thai actor. Dugang pa, mahimong basehanan kini nga mopasaka og kasong libel batok sa actor ug sa kampo niini.
Gi-question sab nila ang basehanan sa nagpailang abogado sa kampo ni Mario nga si Koraphot Jirachocksubsin sa pagpaila niini isip “Authorized attorney”, sanglit mga Filipino lawyers lamang ang gitugatan nga mangabogar dinhi sa Pilipinas.
Claire dela Fuente, nipanaw
Nipanaw kagahapon ang OPM icon ug Jukebox Queen nga si Claire dela Fuente gumikan sa cardiac arrest. Nag-edad siya og 65 anyos.
Suma pa ni Gigo de Guzman-- anak ni Claire-- sa interview ni MJ Felipe kagahapon, Covid positive ang iyang inahan. Siya sab mismo, Covid positive pero asymptomatic.
"Based on my doctor, she died from cardiac arrest.
"Tapos believed to be a result of her stress and anxiety because she does... my mom has anxiety, hypertension, diabetes.
Dali ra ma stress iyang inahan ug may anxiety attack nga maoy nakapaluya sa kasingkasing niini.
"Yesterday, she was fine, and she was... I got to speak to her, I got to argue with her one last time."
Sikat si Claire kaniadto sa iyang panahon. Lakip sa mga nitatak niya nga kanta ang "Nakaw Na Pag-ibig," "Minsan-Minsan," ug "Sayang."
Kapusong Bea?
Sibaw karon ang taho nga adunay negosasyon sa kampo ni Bea Alonzo ug sa GMA Network diin matud pa dako kaayong talent fee nga gipangayo ang aktres. Suma pa, hapit na matud pa magpirmahanay, base usab sa tinubdan sa PEP. Dili na ubos sa Star Magic si Bea, kun dili, si Shirkey Kuan na ang iyang manager. Aduna siya'y himuon nga pelikula kauban si Alden Richards nga iyaha sa Viva Films ug GMA Films. Apan may pelikula sab sila ni John Lloyd Cruz sa Star Cinema.
Dili Tinuod
Gihimakak ni Toni Gonzaga ang intriga nga may giingnan siya nga babay kaniadto og, “Not my husband.” Ang maong babay gilambigit sa iyang bana matud pa nga si Paul Soriano ug giisip nga third party sa panagbulag nila kaniadto. Apan sa latest vlog ni Alex Gonzaga, giklaro ni Toni nga dili tinuod ang maong mga huhungihong. Wala gyud matud pa nahitabo nga nagbulag sila ni Paul kaniadto ug wala sab siya nipauli sa ilang balay sa Taytay.
Naningkamot gyud
Na-starstruck matud pa si Janine Gutierrez sa iyang mama nga si Lotlot de Leon hinungdan nga naglisud siya sa ilang eksena sa pelikulang “Dito At Doon”. First time nila nga magkauban og proyekto. “Parang feeling ko I have to step up kapag si mama yung ka-eksena ko dahil nga nanay ko siya and lahat naman ng ginagawa ko ay para maging proud siya. On one hand it’s easier dahil nanay ko siya. On the other hand, it’s hard kasi nanay ko siya (nikatawa). Pero it was very fun. Na-appreciate ko na talagang ginawan niya ng paraan na magawa niya yung pelikula sa schedule niya at lahat,” nagkanayon siya sa ilang virtual presscon. Showing na karong adlawa ang maong pelikula pinaagi sa KTX.PH, Iwant TFC, Upstream ug daghan pa.
Perteng lipaya
Nahugyaw si Ricci Rivero sa pamahayag ni Mr. M, o Johnny Manahan sa interview niini sa mga editors sa Summit Media. Niingon si Mr. M nga napanlantawan niya nga mamahimong “something in showbiz” si Ricci sanglit baga matud pa kini og nawong, susama kang Joey Marquez nga confident. Ilado nga star builder ug founder sa Star Magic si Mr. M, hinungdan nga perteng lipaya ni Ricci niini. “Actually, I was reading the article about it, and I was overwhelmed kasi we all know naman who Mr. M is. So, knowing na galing talaga iyon sa kanya and I’ve talked to people close to him na they talked about me nga raw and sobrang high praises si Mr. M, sobrang nakakatuwa.” Nagkanayon siya atol sa mediacon sa iyang youth-oriented show nga Gen Z nga makita sa TV5.
Dili na kompleto
“I will truly miss you, my dear friend. I will miss all our chikahan, laitan, tawanan at kantahan,”kini maoy post ni Eva Eugenio sa pagpanaw sa iyang suod nga higala nga si Claire dela Fuente. Dili na matud pa kompleto ang Jukebox Queens Trio nga gilangkuban usab ni Imelda Papin.“Thank you for being a good friend, and a good God Mother to my daughter. Rest in Peace kumare. Jukebox Queens will not be complete without you.