“Ako Naman” ni Jessica gipalanog na!
CEBU, Philippines — Dili na gyud kapugngan ang pagsaka sa career sa Sugbuanon nga singer nga si Jessica Villarubin kinsa nailhan karon isip Power Diva.
Suma pa sa The Clash Season 3 grand champion nga bisan sa iyang istado karon, magpabilin siya nga mapaubsanon ug dili gyud mausab ang iyang batasan.
“Kun unsa gani ang akong naabtan karon , tungod na sa support sa akong fans . Salamat kaayo ninyo,” suma pa ni Jessica.
Kasamtangan niya nga gi-promote ang iyang labing una nga single ubos sa GMA Music nga “Ako Naman.”
Nasayran nga ang Asia’s Romantic Balladeer nga si Christian Bautista maoy nagsuwat sa maong awit.
Kun makabaton man gani si Jessica og konsyerto puhon, gipangandoy niya nga makauban sa entablado sila si Christian ug Lani Misalucha.
Madungog ang “Ako Naman” sa Spotify, YouTube Music, Apple Music, ug uban pa nga mga digital streaming platforms worldwide.
Dugang pa niya nga dili gyud niya malimtan ang mga taga Cebu nga maoy nag-una niya nga supporters sukad sa pag-apil niya sa The Clash.
Winners sa Viva Musika 2020
Moabot sa 10 ka songwriters gikan sa nagkadaiyang dapit sa nasud ang natuboy nga mananaog sa Viva Musika 2020.
Pipila niini kay mga flight attendant, abogado , seaman, accountant ug singer-songwriters.
Tumong sa maong talent search ang pagdiskubre og dugang composers nga dunay dakong potensyal sa industriya.
Ang mga mananaog kay makadawat og P100,000 ug exclusive contract Viva Music Publishing.
Adunay dakong tsansa nga magamit sa nagkadaiyang proyekto sa Viva ang mga tinagik nga kanta sa mananaog.
“This search is a continuation of Viva’s long-running efforts to look for hidden talents and to nurture their music careers to the fullest potential,” suma pa ni Vic del Rosario, Jr., ang Viva Communications Chairman and Chief Operating Officer.
Ang mga mananaog naglangkob nila ni Pat Cardoza sa Tondo, Manila (Mahal, Kailan Ka Babalik ug Back to You) , Vee Jay Cariego sa Cebu (Miss, Miss Maayag, Key of G ug Kalit) , Clyde Fedelis sa Quezon Province (Isang Banayad Pag-Indak Kahit Hindi Magkaintindihan ug Mission Forever) , Dianne Lim sa Quezon City (Umaasa, Kahit Wala ng Pagtingin ug Dito Na Lang Tayo), Fritz Baguio sa Cebu ( Sabik, Dinaba ug Thanks for Loving Me), Joel Abad sa Valenzuela City ( Kahit Wala Ka Na, Kilig ug Torpe), Paul Gomez Hildawa sa Paranaque (Malapit Na Akong Mahulog Sa Yo, Sakit ug When God Seems Silent ) Oliver Narag ( Aaminin Ko Na, Di Na Ba Magbabalik ug Madapaka) Lino Cajegas sa Davao ( Magnet, Huling Pagkikita ug Lost Love) ug Divino Rivera sa Benguet (Langit, Us ug Dito.
Gihatagan og dakong pagtagad ni Del Rosario ang local music scene sukad pa niadtong 60’s nga nagsugod sa Vicor Music Corporation.
Kathryn o Loisa
Gibutyag ni “Pinoy Big Brother Connect” fourth Big Placer Jie-Ann Armero nga kun pananglitan i-feature ang iyang kinabuhi sa Maalaala Mo Kaya, naa ra nila ni Kathryn Bernardo o Loisa Andalio ang gusto niya mga modala sa iyang karakter. Gitawag si Jie-Ann sa PBB isip “Ang Kwelang Fangirl ng Sarangani.”
Gidawat na gyud
Gidawat ni Ina Raymundo ang iWant digital series nga Ampalaya Chronicles: Me & Mrs. Cruz gumikan kay mubo ra ang gitagana nga schedule sa lock-in taping niini. Nasayran nga sa miaging tuig pa kini gitanyag kaniya. “Nung nalaman ko na three days yung lock-in. Kasi hindi ko kaya yung longer pa. Mahirap for me,” suma pa sa aktres.
Granada Walk
Gitawag ni Miss Grand Philippines Samantha Bernardo nga “Granada Walk” ang iyang pagrampa sa swimsuit competition sa 8th Miss Grand International nga gipahigayon sa Lebua State Tower Bangkok, Thailand niadtong Sabado. “I hope you guys love my Granada walk. I named it after Grand and, of course, it’s like a bomb whenever I walk,” suma pa ni Samantha.
Gipadu-ngogdungog
Gipikhan napud ni Claudine Barretto ang iyang estranged husband nga si Raymart Santiago. Nag-post ang aktres og quote card sa Instagram nga nagkanayon, "Real Dads Support Their Children". Una na nga gibutyag ni Claudine nga napakyas si Raymart sa paghatag og saktong sustento sa ilang mga anak.
- Latest
