Extra Service ni Royce

CEBU, Philippines — Masahista ang papel sa aktor nga si Royce Cabrera sa iyang labing unang Magpakailanman episode karong gabii isip labing bag-ong kapuso star.

Tsika niya sa PEP kagahapon, mapangahason ang iyang character sanglit adunay extra service nga mga eksena dinhi niining maong episode nga mulugwa human sa Catch Me Out Philippines karong gabii. 

“Medyo kumplikado at hindi po naging madali kung paano ko inatake yung role,” nagkanayon si Royce,kinsa nidaog isip Best New Lead Actor sa 7th Urduja Heritage Film Awards pinaagi sa pelikulang Fuccbois sa Cinemalaya Film Festival niadtong 2019.

“Kasi, alam naman natin na isang sensitibong usapin yung trabaho o propesyon na iyon.

“Pero bilang artista, siniguro ko pong nabigyan ko, kasama ng aking mga kapwa artista, ng kabuluhan ang aming pagganap sa aming mga karakter na ipinagkatiwala po sa amin.”

Gikan sa ABS-CBN si Royce, diin katapusan niyang proyekto didto mao ang A Soldier's Heart.

Giseguro ni Royce nga adunay pagtulan-an nga makutlo gikan sa iyang character nga si Makoy ang mga motan-aw og Magpakailanman unya.

“Matututunan po nila na kahit ano pang hamon ng buhay, anuman ang pagdaanan nating hirap, hinding-hindi tayo dapat sumuko para maitaguyod ang ating mga pamilya.

“Matututunan po natin ditong mas pahalagahan pa ang ating pamilya. Kasi, sa huli, sila pa rin ang sandigan at pader na laging nandiyan para sa atin.”

Sa nilabay nga tuig gipakpakan ang abilidad ni Royce sa pag-arte pinaagi sa BL series Quaranthings nga gisalida pinaagi sa youtube.

Dili Molansar Uy!

Hingpit na nga gituldokan ni Willie Revillame ang mga pagtuo nga magpapili siya pagka opisyal sa piniliay sunod tuig. Sa mensahe niya ngadto kang Jojo Gabinete sa PEP, giklaro ni Willie nga wala mosantop sa iyang hunahuna ang mokandidato kay nalingaw ug nalipay na siya sa iyang GMA7 show Wowowin.

Naliwat Gyud

Naliwat kang Andrew ang 18-anyos niyang anak nga si Fordy. Makamaong mo-rap ang nahisgutan busa tsika pa ni Andrew ngadto sa PEP Troika, suportahan niya ang iyang anak pinaagi sa pagpagawas og single niini puhon.

Dili tsismoso  si Papa

Walay ideya si Dennis Padilla kabahin sa tinuod gyud nga relasyon nila ni Julia Barretto ug Gerald Anderson. Suma pa ni Dennis ngadto sa PEP Troika sa iyang pagpromote sa pelikulang Pakboys nga gisalida na sa Vivamax sugod kagahapon, personal matud pa ang maong hisgutanan busa maghuwat ra siya kun mohisgot ngadto niya ang iyang anak nga si Julia kabahin niini. Basta kun asa matud pa malipay ang iyang anak, naa ra siya nga mosuporta.

Dili Bogo

"Hindi ako bobong artista na kailangan pang hilahin niya!" Mao kanay maisugong reaksyon ni Rita Avila ngadto sa usa ka basher nga niingon nga kun dili pa gumikan sa iyang bana nga si FM Reyes nga maoy direktor sa toptrending series Ang Sa Iyo Ay Akin, wala gyuy kisaw ang karera sa aktres. Suma pa ni Rita, dili ang iyang bana ang nagbuot sa cast sa maong serye diin nalakip siya isip kontrabida, busa dili makiangayon ngadto niya ang maong akusasyon. Suma pa ni Rita, hagbay ra siyang nag-artista busa nasayod na kaayo siya sa iyang abilidad isip aktres.

Fulltime Na Gyud!

Hingpit na nga mag-artista ang 22-anyos nga anak nila ni Jomari Yllana ug Aiko Melendez nga si Andre Yllana. Nipirma kini og lima ka tuig nga exlusive contract sa Viva Artist Agency kagahapon ug hatagan dayon siya og teleserye isip una niyang project. Tulo ka tuig ang nilabay, nisuway na si Andre sa showbiz, apan niundang sanglit nakasagabal sa iyang Automotive course. Apan kay graduating naman siya, showbiz na iyang focus karon.

 Samantha maoy ipada

Ang Miss Grand International  organization mismo ang nikompirma kagahapon nga si Samantha Bernardo maoy opisyal nga pambato sa Pilipinas sa umaabot nga Miss Grand international pageant didto sa Thailand. Si Bernardo lakip sa mga kandidata sa umaabot nga Bb. Pilipinas karong April, busa kinahanglan niyang mo-resign sa maong pageant isip pangandam sa iyang international pageant. Kahinumduman nga runner up si Bernardo sa Bb. Pilipinas niadtong 2019, niresign siya aron mamahimong kandidata sa maong pageant sa nilabay nga tuig nga nasibog na ngadto sa April 2021 gumikan sa pandemya.

Wow Bea!

Kasamtangan pang tua sa Amanpulo si Bea Alonzo diin gidudahan nga nagkuyog siya ug ang iyang rumored boyfriend nga si Dominique Roque sanglit bisan wala sila nag-uban sa usa ka hulagway, nabantayan sa netizens nga managsama ra ang ilang nahimutangan basi usab sa mga pictures nga ilang gi-upload sa tagsa-tagsa nila ka IG accounts niining nakalabay nga mga adlaw. Pero deadma si Bea, ug igo ra nag-post og, hulagway niya nga may caption: Life is short.

Kathryn Hotness

Kasamtangang nagbakasyon karon sa El Nido, Palawan ang managhigugmaay nga sila si Kathryn Bernardo ug Daniel Padilla kauban sa ilang mga higala. Kini taliwala sa balita nga number na sa Netflix Philippines sulod sa tulo ka mga adlaw ang ilang romcom series nga The House Arrest of Us.