Bernadette naibahan sa impact ng pagsusulat ng kanta
Wow. humakot agad ng more than two million views ang theme song ng pinakabagong Kapamilya teleserye na Ang Sa Iyo Ay Akin na inawit ng walang kupas na bandang Aegis.
I’m sure dama ng netizens ang matapang na musika at markadong boses ng Aegis, na anila’y swak bilang theme song ng teleseryeng pinagbibidahan nina Jodi Sta. Maria, Iza Calzado, Sam Milby at Maricel Soriano at mapapanood sa Kapamilya Channel at sa Kapamilya Online Live.
Sanib-pwersa nga sina ABS-CBN Music creative director Jonathan Manalo at TV Patrol anchor Bernadette Sembrano sa pagsusulat ng Ang Sa Iyo Ay Akin mula sa Star Music, na unang orihinal na kanta ng Aegis makalipas ang ilang dekada.
“Bilang journalist palaging tungkol sa storya, ‘di ba? ‘Yung madiskubre ‘yung paraan ng pagku-kwento sa ganitong paraan, sobrang exciting para sa ‘kin. ‘Yung makapagkwento gamit ang musika, iba ang impact,” ani Bernadette.
“Noong unang nakita ng Aegis, sabi nila ‘parang kami ang may gawa nito!’ May katapangan sa lyrics, tapos yung melody niya videoke-ready,” kuwento naman ni Jonathan.
Maalalang inamin ni Bernadette na nasaktan siya nang masibak bilang field reporter ng ABS-CBN dahil nga sa kawalan ng franchise ng network.
At kung ang ibang news anchors ay naglilipatan ngayon, mananatili raw si Bernadette sa TV Patrol.
Cloyd Robinson namatay na, nangangailangan ng tulong
Nangangailangan ng tulong- pinansyal ang mga kamag-anak ng namayapang actor / director na si Cloyd Robinson.
Kapos diumano ang pera para maipa-creamate ito ng mga kamag-anak. Eh kailangan na raw itong i-cremate kahit non-COVID ang cause of death.
Inatake ang beteranong actor / director noong nakaraang Lunes, August 31 ng 9:10 p.m. Diabetic umano ito.
Puwedeng makipag-coordinate kay Rhosnel Encarnacion sa teleponong 0915-1627732 at puwedeng ipadala sa pamamagitan ng GCash ang sinumang handang magbigay ng tulong.
Sa Silang, Cavite, binawian ng buhay ang dating actor / director.
- Latest
