CEBU, Philippines — Nibisita dili pa lang dugay si Lyca Gairanod sa karaang balay nga gipuy-an niya kaniadto sa dihang wala pa siya nakadaog sa The Voice Kids.
Nakahinumdom si Lyca sa mga pagsulay nga iyang naagian sa dihang nakakita siya og balik sa balay nga doul sa dagat.
“Marami akong pinagdaanan dati. Alam niyo naman. Nakita niyo naman ‘yung istorya ko. Nag-MMK ako dati. Mula nung nag-The Voice ako, maraming-marami akong paghihirap na naranasan sa buhay ko. So dito na rin talaga ako lumaki,” suma pa ni Lyca.
Suma pa sa singer nga bisan sa iyang naabtan karon, wala gyud siya mausab .
“Siyempre hindi ko rin kayang kalimutan ang lugar na ‘to kung saan ako nanggaling. Hindi ko ‘to sinasabi para sabihin sa inyo na ganito ganyan ako. Sinasabi ko ‘to kasi gusto kong malaman ninyo na hanggang ngayon gusto kong bumalik sa buhay ko dati,” niya pa.
Sa pagka-karon ang iyang apohan maoy nagpuyo sa karaan nila nga balay.
Bisan unsaon niya og hangyo, dili gyud kini gusto mobalhin sa bag-ong balay ni Lyca.
Nasayran nga ang iyang apohan maoy nag-atiman niya kaniadto samtang nagtrabaho ang iyang inahan.
Wala kapugong si Lyca sa paghilak gumikan sa mensahe sa iyang lola nga nagkanayon,”
Si Lyca noon, mahirap. Ako nagpalaki dito. Ngayon, itong apo ko ang nagpaunlad sa amin dito. Sabi ko lang sa inyo, itong bahay na ibinigay niya sa akin, dito ako mamamatay. DIto ako. Hindi ako aalis dito maski sino pa ang magpapaalis.”
Darren ug Jayda nataypan
Gihangop dayon ang unang kolaborasyon nila ni Darren Espanto ug Jayda sa awit nga “Sana Tayo Na” .
Nakasulod ang maong awit sa listahan sa “Trending Tracks” sa Spotify Philippines.
Kasamtangan kini nga nakabaton og 116,000 streams sa maong music platform.
Gi-release usab dili pa lang dugay ang music video sa “Sana Tayo Na” kun diin nakakuha dayon kini og liboan ka views pipila ka oras gikan sa pag-upload niini.
Kim naka-9M followers na
Dili masukod ang kalipay ni Kim Chiu human niabot og 9 million ang iyang followers sa Instagram.
Isip pagsaulog sa iyang bag-ong milestone sa social media, nag-post siya og video nga kuha sa iyang pagtikang sa Pokhara,Nepal nga nahitabo sa wala pa ang pandemya.
“That JUMP is for you,” caption pa ni Kim.
Nagpasalamat ang aktres sa tanang nisuporta kaniya.
“Thank you for the love and for following my daily journey. Thank you for the uplifting comments, for correcting my mistakes, for letting me know you are there and for simply being there scrolling,” ‘’matud pa ni Kim.
Album ni Taylor, no.1 gihapon
Sa ikaupat nga semana sukad sa pag-release, nagpabiling no. 1 sa Billboard album chart ang latest album ni Taylor Swift nga “Folklore”.
Suma pa sa report, nakakuha na kini og 1.2 million sales.
Padayon gihapon nga gihisgotan sa social media ang bag-ong proyekto ni Taylor.
Mahinawayon gisuklan ni Kris
Giangkon ni Kris Bernal nga bisan unsaon niya kontrol sa iyang kaugalingon , dilli gyud malikayan nga matubag niya ang mga tawo nga magsige og saway sa iyang lawas.
Pipila sa iyang mga detraktor ang nilenggua nga sobraan ra kadaot si Kris ug mura kini og masakiton.
Duna pud siya’y basher nga nisugyot kun unsa ang angayan niya nga kaonon.
Naimbyerna si Kris niini ug gitubag niya kini nga walay makabout kaniya sa gusto niya nga kaonon.
Nananghid og tarong
Gitataw ni Ria Atayde nga dunay pagtugot sa mga kadagkoan sa ABS-CBN ang pagkalakip niya sa show sa TV5 nga Chika Besh.
Suma pa sa aktres nga nananghid gyud siya og tarong niini ug gihuna-huna gyud niya og maayo ang nakab-ot niya nga hukom.
Nagamit na gyud ni Ria ang talento niya sa pag-host.
Edgar mipaambit sa story nila ni Shaira
Gipaambit na ni Edgar Allan Guzman pinaagi sa iyang vlog ang love story nila ni Shaira Diaz.
Nasayran nga pito ka tuig na ang ilang relasyon.
Suma pa ni Edgar nga nagkaila sila ni Shaira sa dihang nisalmot ang naulahi sa talent show sa TV5 nga Artista Academy niadtong 2012.
Nahitabo kini sa backstage sa usa nila ka mall show kun diin naklaro gyud niya ang kaguwapa sa aktres.
“Naka-purple pa ako na polo na long sleeves. Tandang tanda ko yun. Hindi ko makakalimutan. Punta ako backstage, eto na si Baba galing stage bumababa ng backstage. Pag tingin ko napa-second look ako I swear. Tapos habang bumababa siya ng stairs backstage, papalapit siya sa akin. Ako naniniwala ako sa mga pelikula na napapanuod natin sa mga love story na napapanuod natin, mapa-teleserye man or pelikula. Yung talagang napapa slo-mo at napapa-second look ka dun sa tao na hindi mo alam kung na-mesmerize ka sa kagandahan niya ,”niya pa.
Naabot sa punto nga nagkasoud sila og maayo ug na-develop siya kang Shaira.
Kahinumdoman nga taod-taod nila nga gihilom ang ilang relasyon aron dili maapektohan ang ilang career.
Lovi mibanlas sa mga negatibong butang
Gipaambit ni Lovi Poe ang iyang pamaagi aron mawala ang iyang kagoul nga nahatag sa pandemya.
Aminado hinoun ang aktres nga magsagol ang emosyon sa mga tawo karong panahona.
Apan gipaneguro ni Lovi nga wad-on na niya ang mga negatibong butang nga naa sa iyang huna-huna.
"Ako, the moment I wake up sa umaga, parang I try to make sure that my mindset is different. I try to play lively music just to set the mood na as if it's a normal day," saysay pa niya ngadto sa GMA News.