Cebu, Philippines — Gipistahan sa pipila ka netizens ang mga bag-ong sexy nga hulagway sa anak ni Ina Raymundo nga si Erika Rae Poturnak. Gipasigarbo pag-ayo ni Ina ang maong mga hulagway.
“Ahhh… my first born Erika Rae is so pretty. Especially without make-up. Doesn’t she look like Pia Wurtzbach?,” suma pa sa IG post ni Ina.
Gidayeg ang song cover
Nakadawat og daghang pagdayeg ang song cover ni Kyline Alcantara . Gikanta ni Kyline ang OPM classic nga “Ngiti" ni Ronnie Liang.
Nahinabi ang anak
Nahinabi ni John Regala ang iyang 25 anyos nga anak nga si John Paul Kieffer. Mao kini ang nag-inusarang anak ni John sa una niya nga asawa nga si Elizabeth Manansala-Hunt.
Gibato og isyu
Nag-atubang karon og kontrobersiya ang gidungog nga boyfriend ni Angeline Quinto. Giingoong kalit nga namiya ang maong lalaki sa kanhi niya girlfriend. Posibleng wala kahibalo niini si Angeline. Ang maong sitwasyon gitawag og ghosting.
Happy ang love life
Gibutyag ni Rhap Salazar nga dili gyud masukod ang iyang kalipay gumikan kay wala na siya’y angay kahadlokan sa pagplastada niya sa iyang boyfriend sa iyang mga social media account. Malipayon kaayo si Rhap sa relasyon nila ni Erwin Laroya.
Ninong Dingdong
Ninong diay ni Paul Salas ang aktor nga si Dingdong Dantes. Usa kini sa mga nagkugos kaniya sa iyang bunyag. Dili gyud niya malimtan nga giregalohan siya sa iyang ninong og mahalon nga regalo.
Pampa-relax
Mahiligon si Solenn Heussaf og mga tanom. Suma pa sa aktres nga ma-relax siya niini.
Silver Play Button
Nagmaya si Loisa Andalio gumikan kay nakaangkon na siya og Silver Play Button sa YouTube. Mapasalamaton ang aktres sa tanang nisuporta sa iyang mga vlog.
Sikat gyud
Nagkasaka og samot ang popularidad sa grupong SB19 . Suma pa sa report nga sulod sa pipia ka semana, kanunay gyud sila malakip sa Billboard charts.