CEBU, Philippines — Puwerting lipaya sa Filipino-American international model nga si Kelsey Merritt gumikan kay na-release na ang ikaduhang pictorial niya alang sa prestihiyosong Sports Illustrated Swimsuit Issue. Si Kelsey ang labing una nga Pinay nga na-feature sa Rookie List sa Sports Illustrated Swimsuit Issue niadtong 2019.
Marikit
Ang 20 anyos nga si Juan Caoile maoy nagsuwat sa awit nga “Marikit” ug gitabangan siya niini sa iyang childhood friend nga si Kyle Caplis. Nasayran nga ni- click og maayo ang maong awit nga kanunay usab gigamit sa Tiktok.
Direk Ogie
Si Ogie Alcasid ang nagsilbing direktor sa music video sa “Istorya” nga bag-ong kanta sa iyang asawa nga si Regine Velasquez.Ang Filipino pop rock band nga The Juans maoy orihinal nga nagkanta niini.
Vice mitin-aw sa isyu
Gitataw ni Vice Ganda nga usa ka “fake news” ang nikatap nga taho nga matud pa nga duna siya proposal sa TV 5 . Suma pa sa tsismis nga P3 million matud pa nga talent fee matag buwan ang gipangayo niya sa TV5. Puwerting katawaa ni Vice pagkadungog sa maong istorya ug matud pa niya wala kini kamatouran.
Breastfeeding
Gipatuman gyud ni Max Collin ang breastfeeding alang sa anak nila ni Pancho Magno. Suma pa sa aktres nga nalingaw gyud siya sa iyang pagka-inahan.
Magpakahilom lang
Mas pilion sa Kapamilya actor nga si Matteo Guidicelli nga magpakahilom. Aduna kini kalabotan sa awhag sa ubang Kapamilya stars nga kinahanglan nga motingog sa pagdepensa nila sa ABS-CBN. “Speak only when you feel that your words are better than your silence,”!suma pa sa IG post sa Sugbuanon nga aktor.
Mahadlok mataptan
Gitataw ni Alessandra de Rossi nga wala siya’ y plano nga motambong sa mga rally nga nagsuporta sa ABS-CBN. Suma pa sa aktres nga dili siya komportable basta daghan og tawo ug mahadlok usab siya mataptan og COVID-19.
Pakilig nga message
Nakadawat si Sue Ramirez og birthday message gikan sa iyang rumored boyfriend nga si Javi Benitez nga nag-post usab sa ilang sweet photo. “Magulo man ang mundo, 'di tayo mabibigo, at ang pagmamahal ko sa 'yo 'di magbabago. Happy birthday, Inday Sue! Palangga palangga ,” suma pa ni Javi.