CEBU, Philippines — Ubay-ubay ang nagpa-enrol sa online acting workshop nga gipasiugdahan sa aktres nga si Gladys Reyes. Pinaagi niini, dili mausik ang panahon sa mga tawo nga ganahan gyud makat-on sa pag-arte bisan pa man nga naka-quarantine. Mapasalamaton ang aktres sa tanang nisalig sa iyang abilidad.
Nagsugod sa Dos
Nipadayag usab sa iyang simpatiya sa ABS-CBN ang Kapuso actress nga si Lauren Young. Kahinumdoman nga ang Star Magic maoy naghupot sa career ni Lauren kaniadto sa wala pa kini mobalhin sa GMA. “My heart is with you,” mensahe pa ni Lauren ngadto sa kanhi niya mother network.
Mawagtang na sa ere?
Niulbo karon ang taho nga matud pa gikanselar na ang taping sa Magandang Buhay sa miaging adlaw. Nitumaw ang mga pagduda nga posibleng mawala na sa ere ang maong show nga gilangkoban nila ni Karla Estrada , Jolina Magdangal ug Melai Cantiveros. Padayong nakasinati og krisis ang ABS-CBN gumikan sa isyu sa pag-renew sa ilang prangkisa.
Pangandoy ni Xyriel
Gipangandoy sa kanhi child star nga si Xyriel Manabat nga mahimong civil engineer. Nagpanikad na si Xyriel nga makatungtong sa kolehiyo. Kahinumdoman nga nigradwar (online) ang aktres sa high school sa miaging semana.
Nakat-onan ni Juday
Tungod sa lockdown, daghan gyud og mga nakat-onan si Judy Ann Santos nga ubang nga buhatunon sulod sa balay. Usa sa iyang mga nakat-onan mao ang saktong pag-atiman sa iyang garden.
Giatake sa allergy
Na-pack up ang taping sa Love Thy Woman sa miaging adlaw. Gikatahong giatake sa allergy si Kim tungod sa iyang gikaon. Suma pa nga naglain ang lawas ni Kim.
Tungod sa PBB
Aminado si Loisa Andalio nga tungod sa pagsulod niya sa showbiz, nahaw-as sa kalisod ang iyang pamilya. Ang pagkalakip niya sa Pinoy Big Brother maoy nahimong instrumento nga nakasulod siya sa showbiz. – Sanden J. Anadia
Dili interesado makaanak
Dili interesado si Vice Ganda nga makabaton og kaugalingong anak ug kontento na siya sa dagan sa iyang kinabuhi.
“Laging natatanong sa akin, ‘Hindi ka ba mag-aanak? Sayang naman.’ Sabi ko, kung iisipin ko lang ‘yung kakayahan ko, puwede kong sabihin na kaya ko. Pero ayaw ko kasi talagang i-expose ‘yung magiging anak ko sa cruelty ng mundo,” suma pa sa komedyanteng TV host atol sa usa ka segment sa It’s Showtime.
Malipayon ra usab karon si Vice sa relasyon nila ni Ion Perez.
Derrick nakauyon sa lawas ni Mark
Gihatagan og malisya sa mga tsismosa ang komento ni Derrick Monasterio sa hulagway ni Mark Bautista sa Instagram.
Sa maong hulagway, nag-topless lang si Mark.
Nikomento si Derrick niini og , “Yummy”.
Apan pipila sa dumadapig ni Derrick ang nagkanayon nga suod lang gyud ang ilang idolo ngadto kang Mark busa dili big deal ang maong komento.
Bag-ong single ni Maymay gihangop
Gikagat dayon sa music lovers ang bag-ong single ni Maymay Entrata nga “InLove You 2” nga gi-release dili pa lang dugay. Suma pa nga nakaangkon dayon og 1.1 million views ang music video niini. Ang maong awit naghatag og tribute sa ABS-CBN ug si Joven Tan ang nag-compose niini.
Suki sa LizQuen series
Naabot ngadto nila ni Liza Soberano ug Enrique Gil ang taho nga matud pa nga nagsunod kanunay kaniadto sa teleseryeng Make It With You ang kontrobersyal nga kongresista nga si Sagip Party-List Rep. Rodante Marcoleta ug ang asawa niini.
Gusto nila ni Liza ug Enrique nga mahimamat sa personal ang maong kongresista aron magpasalamat.
Mohangyo usab ang LizQuen nga unta dunggon ang ilang panawagan nga ma-renew ang prangkisa sa ABS-CBN.
“Gusto lang po naming kumatok sa puso n’yo na baka sakaling mabigyan n’yo ng chance ang ABS-CBN,” mensahe pa ni Liza alang sa kongresista.
Sandara gipahilak ni Minzy
Wala kapugong si Sandara Park sa pagtulo sa iyang luha sa dihang naghisgot sa ilang kaagi ang kauban niya sa 2NE1 kaniadto nga si Minzy. Nagkanayon si Minzy nga si Sandara maoy tig-comfort kaniya sa dihang gi-bash siya og maayo human siya nibiya sa grupo niadtong 2016. Suma pa ni Minzy nga nag-agi siya og depresyon tungod sa maong hitabo.