Gawad Tanglaw: Juday napili nga Best Actress
CEBU, Philippines — Si Judy Ann Santos ang Best Actress sa Gawad Tanglaw 2020. Nagmadaogon si Juday gumikan sa iyang maayong performance sa pelikulang Mindanao ni Direk Brillante Mendoza. Sa maong pelikula nidala si Judy Ann isip Muslim nga asawa sa sundalo nga gidala ni Allen Dizon.
Nasayran nga ikatulo nga best actress award na kini ni Juday alang sa nahisgotan nga pelikula.
Una siya nga nakadawat og pasidungog sa 41st Cairo International Film Festival didto sa Egypt ug nasundan kini sa Metro Manila Film Festival 2019.
Nagtabla usab sa Best Actor category sa Gawad Tanglaw sila si Allen Dizon (Mindanao) ug Jansen Magpusao (John Denver Trending).
Ang pelikulang John Denver Trending mao usab ang nanghakot og mga pasidungog nga sama sa best picture, best director alang kang Arden Rod Condez, best editing , best story ug best screenplay.
Sa report sa PUSH, napili usab nga best supporting actress si Dimples Romana alang sa pelikulang Persons of Interest ug best supporting actor si Joross Gamboa alang sa Hello, Love, Goodbye.
Ang pelikulang Alpha: The Right To Kill ni Direk Brillante maoy best cinematography ug best music.
Makadawat usab og Jury Award for Best Performance si Iza Calzado sa duha niya ka mga pelikula nga Culion (MMFF 2019 entry) ug Pandanggo sa Hukay (Cinemalaya 2019 entry).
Gisurpresa ang anak
Wala makapugong ang pandemic sa surprise birthday party ni Sylvia Sanchez alang sa anak niya nga si Gela.
Si Sylvia ug ang iyang pamilya ang nag-organize sa 18th birthday celebration sa anak.
Bisan pa man nga simple lang ang selebrasyon , tataw nga nagmalipayon si Gela.
“Happy 18th birthday our gelatin. We love you,” ang caption ni Sylvia sa iyang IG video.
Pasagdan ni Ate
Gibutyag ni Megan Young nga bata pa lang sila si Lauren, isog na gyud kini.
Nasayran nga dili gyud mahadlok mopika ang iyang igsoun sa bisan unsa nga isyu.
Dili usab siya magbout sa ipanulti ni Lauren gumikan kay naa na kini sa saktong edad.
“I don’t really think I have the place to tell her na gawin mo ‘to or huwag mong gawin ‘yan kasi alam niya kung ano ‘yung mas nakakabuti para sa kanya.Sabi ko nga dati, everybody has a way of showing support on different things. If she feels na voicing out her opinion would be able to help other people then so be it.Of course, as an Ate, I will tell her that there are different ways she could approach things but si Lauren na ang bahala roon. She has her own discretion kung paano niya ita-tackle yun,” saysay pa ni Megan.
Ritz ug non-showbiz BF engaged na!
Malipayong gianunsyo ni Ritz Azul niadtong Sabado nga engaged na sila sa iyang non-showbiz boyfriend nga si Allan Guy.
"This Guy’s in love with me, pare. I love you too, Allan Guy. @allan_guwi #engaged #myfiancé ,” suma pa sa IG post ni Ritz.
Una na nga gipadayag ni Ritz kaniadto nga dili masukod ang iyang kalipay sa pag-abot sa maong lalaki sa iyang kinabuhi nga maoy iyang kasandingan kun duna siya’y mga suliran.
Sarah gipahilak ni Regine
Grabe ang kisaw sa special number nila ni Regine Velasquez ug Sarah Geronimo sa “ASAP Natin To” kagahapon.
Nakahilak matud pa si Sarah sa mensahe ni Regine.
Sa wala pa sila nanganta, gipasigarbo pag-ayo ni Regine ang kalamposan nga naangkon ni Sarah.
“Maraming, maraming salamat po sa suporta at pagmamahal mula nung nanalo ako sa ‘Star For A Night’ hanggang sa magkasama po tayo dito sa ‘ASAP,’” suma pa ni Sarah.
Natandog og samot si Sarah sa dihang nitubag si Regine og: “Sars, forever na iyan. I will always be here for you no matter what. Hindi lang naman kasi ako ang nagmamahal sa iyo. Napakarami mo pang kapamilya at lahat nagmamahal sa'yo. Alam mo kung bakit? Kasi ang bait bait mo. You are such a wonderful lady with a golden heart. You deserve all the love that we give you. If I could give more, I would.”
Gikanta sa duha ang medley sa “On the Wings of Love” ug “Forever’s Not Enough”.
- Latest
