Hyun Bin may pa-throwback, GMA hindi muna magti-taping!?

Parang matagal pa bago mag-resume ng taping ang GMA 7.

Parang mas ok muna silang magpalabas ng mga dati na nilang programa tulad ng hit Koreanovela na Secret Garden.

Tampok sa award-winning romantic comedy Korean series na ito ang tambalan nina Hyun Bin, na kilala bilang si Captain Ri Jeong-hyeok ng Crash Landing On You at Cyrus ng My Name is Kim Sam Soon, pati na rin ng Hwang Jini lead star na si Ha Ji-won.

Isang kakaibang aksidente ang maglalapit kina Owen (Hyun Bin) at Jamie (Ha Ji-won), dalawang tao na may magkaibang kinalakihan.

Si Owen ay tagapagmana ng department store business ng kanyang pamilya habang si Jamie ay isang stuntwoman na galing sa hirap matapos maulila sa magulang.

Magku-krus ang kanilang mga landas at magiging mala-aso’t pusa ang dalawa. Magbabago ang tadhana ng dalawa nang magising sila isang umaga na nagkapalit ang kanilang mga katawan. Ano kaya ang rason sa likod ng magical phenomenon na ito?

Mapapanood ito sa Afternoon Prime block ng GMA.

Kung sabagay bukod sa makakatipid nga naman, ibang-iba na ang magiging process ng taping ngayon. Bukod sa dumarami pa ang infected ng coronavirus sa bansa, heto at tag-ulan na.

Aktor malalim ang rason ng pamamahinga sa social media

Uy malalim pala ang rason ng pamamahinga sa social media ng isang actor.

Hindi lang daw bashers ang rason.

May kinalaman daw ito sa BIR.

Ewan ko kung totoo ha.