Ginisang Singkamas/Tokwa

CEBU, Philippines — Dili kaayo familiar, apan kun atong suwayan, dili usab kamahayan.

Karong adlawa, atong idalit ang pamaagi sa pagluto og ginisang singkamas/tokwa.

Ops, espesyal ni ha kay duna kini mga sekreto nga sagol nga mopalami og samot sa maong putahi. Dili na kini sekreto sanglit ako naman kini ipaambit kaninyo ug base kini sa recipe ni Ate Gelai.

Pahimutang na mga ka-Banat In, magluto ta og espesyal nga ginisang singkamas. Swak kaayo kini sa mga tawo nga dili mahiligon og karne.

Mga sagol:

1/4 kilo tokwa (hiwaa pinatag-as)

1 /4 kilo  singkamas (hiwaa pinagtag-as)

3 pcs  carrots  (hiwaa pinagtag-as)

2 kutsara nga sitcharo (gamay nga beans)

2  patola  (pina-square ang paghiwa)

1 medium nga repolyo

3 medium sibuyas bombay (hiwa-hiwaon)

asin

pepper

seasoning

3 lusak nga ahos

1  kutsara cornstarch

1 kutsara nga mani (dugmukon kay para toppings)

1 tasa nga tubig

Pamaagi:

1. Igisa ang  bombay, ahos.

2. Isunod dayon ang carrots, singkamas, sitcharo, patola, repolyo. Ukaya og maayo.

3. Ibutang dayon ang seasoning, asin, ug pepper. Ang gidaghanon niini nagdepende sa inyong ganahan nga lasa.

4.   Butangi na og tubig, ug idugang dayon ang cornstarch.

5. Dugangan dayon og tukwa.

6. Inigpalong sa kayo, pababwan dayon kini sa dinugmok nga mani.