CEBU, Philippines — Nagmaya ang Filipina singer-songwriter nga si Reese Lansangan human ang iyang gimugna nga awit na-feature sa kampanya sa ' National Aeronautics and Space Administration (NASA). Madungog ang awit ni Reese nga "A Song About Space" sa usa mga video sa NASA alang sa kampanya niini nga #LaunchAmerica .
"When a song you wrote about space and exploration seven years ago makes it to NASA," tweet pa sa Pinay singer.
Ang awit nga “A Song About Space" nahimong kabahin aa debut album ni Reese nga "Arigato, Internet."
Gihulagway niya ang maong awit nga iyang open letter ngadto sa universe.
"I feel like a lot of us have that innate fascination for space and what's beyond us, what's beyond earth, and I just wanted to translate my curiosity into a simple but catchy song," niya pa.
Dili mopasaka og kaso
Dili na intresado si Angel Locsin nga pasakaan og kaso ang tawo nga nanghulga kaniya.
Mao kini ang tubag ni Angel human niaghat ang National Bureau of Investigation sa aktres nga pormal nga modangop sa maong ahensya aron magukod ang nanghulga kaniya.
“If Angel Locsin and other artists receive threats of physical harm or other means sent thru the social media and they feel these threats are serious, they have all the right to seek the assistance of the NBI so their concerns can be appropriately addressed,” suma pa sa social media post NBI. Kahinumdoman nga dili lang si Angel ang gibaharan, kundi lakip na sila si Kim Chiu ug Coco Martin.
Suma pa ni Angel nga dili na siya ganahan nga lisod-lisoron ang kinabuhi sa tawong nanghulga kaniya sanglit lisod kaayo ang kahimtang sa mga tawo karong panahona tungod sa pandemic. Nagpasalamat hinoun si Angel sa NBI.
Imbes pasakaan og kaso ang nanghulga sa iyang kinabuhi, iyaha nalang kini nga iampo. “Thank you NBI for reaching out. For now, ipag-pray ko muna tong mga taong to.
Ayoko silang pahirapan pa sa hirap ng buhay ngayon sa kung anong pwede kong ikaso sa kanila,” niya pa.
Iyaha kining gibaharan nga kun mousab kini og panghulga kaniya, dili na niya kini atrasan.
MYX Awards 2020 ipadayon gihapon
Bisan sa panahon sa pandemya, magpadayon gihapon ang pagpalawig sa gahom musika pinaagi sa MYX Awards 2020. Sa labing unang higayon , virtual ang pagpahigayon sa awards ceremony, ug molugwa gihapon ang gipaabot nga musicians. Karong tuiga, nag-una gihapon ang banda nga IV of Spades nga dunay unom ka nominasyon, lakip na ang Artist of the Year. Nominado usab isip Music Video of the Year, Urban Video of the Year, ug Song of the Year ang kanta nila nga “Come Inside of My Heart;” samtang motigi sa Rock Video of the Year ug Collaboration of the Year categories ang kanta nila nga “Nagbabalik” kauban si Rico Blanco.
Unom pud ang nakuha nga nominasyon sa rapper nga si Shanti Dope. Upat niini alang sa kolaborasyon niya kauban si KZ Tandingan nga “Imposible,” nalakip pud kini sa Music Video, Song, Urban Video, ug Collaboration of the Year. Ang single niya nga “Amatz,” kay nominado alang sa sa Music Video ug Urban Video of the Year.
Samtang, nominado usab si Moira Dela Torre sa sa lima ka kategorya ug usa na niini ang Artist of the Year. Ang Himig Handog 2019 Best Song nga “Mabagal,” nga gi-interpret niya kauban si Daniel Padilla, kay nominado isip Song of the Year ug Mellow Video of the Year. Motigi usab kini sa Collaboration of the Year kauban ang “Patawad, Paalam,” nga iyang giawit kauban ang I Belong to the Zoo.
Nakakuha usab og tagtulo ka nominasyon ang banda nga Ben&Ben ug Filipino boy band nga SB19, nalakip kini sa Artist of the Year ug Song of the Year alang sa mga kanta nila nga “Pagtingin” ug “Go Up.”
Nalakip pud ang SB19 sa New Artist of the Year category , lakip na ang sister duo nga Gibbs (Gabs at Chi Gibbs), singer-songwriter nga si Frankie Pangilinan o mas nailhan isip Kakie, folk pop artist nga si Syd Hartha, ug ang labing una nga “Idol Philippines” grand winner nga si Zephanie Dimaranan.