CEBU, Philippines — Usahay makaingon kita nga atong hinuklogan ang atong tagsa-tagsa nga obserbasyon o panglantaw sa usa ka butang sama sa gisudlan ninyo nga relasyon.
Nisulod mo og relasyon gumikan kay ganahan mo magmalipayon .
Apan kun tan-aw nimo, dili na mao ang timplada sa imong gi-expect , tingali panahon na nga huna-hunaon og maayo kun ipadayon pa ba o dili ang inyong relasyon.
Kun imong pasagdan ang imong kaugalingon sa pag-istar og usa ka toxic nga relasyon, ikaw ra gihapon ang alaot.
Sa usa ka artikulo sa www. relrules. com, naghisgot kini kalabot sa senyales nga nakabaton na diay ka og relasyon sa tawo nga dili makiangayon kanimo.
Senyales nga sayop ang imong gipili nga partner:
1. Nawagtang na ang naandan nimo nga tam-is nga pahiyom.Kanunay ka nga masulub-on. Nabatyagan na nimo nga wala’y ayo ang inyong relasyon apan gituyo nimo nga magpakabuta -bungol niini.
2. Nahunong na ang mga butang nga ganahan nimo buhaton sauna. Nawad-an naka og gana niini tungod sa ka toxic sa inyong relasyon.
4. Miubos na ang imong self-esteem. Naglisod naka og dala sa imong kaugalingon tungod sa inyong relasyon nga gubot.
5. Naabot na sa punto nga gikapoy na ka.
Gwapaha Ba...
Nahugyaw ang mga mahiligon og Kdrama human nikatap ang mga hulagway ni Song Hye Kyo nga nilugwa sa Elle magazine sa Singapore. Kini kay matud pa nila, gwapa kaayo ang nahisgutang aktres ug daw nagkabata hinuon ang dagway niini.
Si Song Hye Kyo, nagpangidaron na og 38 anyos ug usa sa giilang mga superstars sa South Korea.
Pipila sa iyang kdramas nga sikat kaayo didto, diin ang uban niini gisalida dinhi sa Pilipinas mao ang Autumn in My Heart, All In, Full House, That Winter Blows, Encounter ug Descendants of the Sun.