Dili magbalik

CEBU, Philippines — Gitataw ni Cristine Reyes nga hanap ang posibilidad nga magkabalik sila ni Ali Khatibi. Suma pa sa aktres nga prayoridad niya ang  iyang showbiz career ug anak nga si Amarah.

Lara nagsabak

Nagsabak ang beauty queen-actress nga si  Lara Quigaman alang sa ikatulong anak nila ni Marco Alcaraz. Gipahibalo kini sa magtiayon pinaagi sa ilang labing una nga episode sa  ilang vlog channel nga The Alcaraz.

Matinabangon nga aktor

Gidayeg sa netizens si John Lloyd Cruz  gumikan sa  pakighinabi niini sa kapitan sa Barangay Guadalupe, Cebu City  nga si Michael Gacasan  ug nangutana kun unsa ang iyang matabang sa katawhan. Higala ni Lloydie ang kapitan sa maong dapit.

Sharon mag-digital concert

Adunay umaabot nga digital concert si Sharon Cuneta ug usa kini ka fundraising project.

Mahitabo kini karong Mayo 10 pinaagi sa Facebook page sa ABS-CBN.

Nag-ulohan kini og Sharon: Love and Music,  A Mother’s Day Special ug makauban niya si maestro Louie Ocampo.Tumong niini nga makahipos og donasyon alang sa  Pantawid ng Pag-ibig campaign sa  ABS-CBN.

Sekreto ni Kim

Gibutyag ni Kim Domingo nga ang pagkamahiligon niya  sa pagkaon og prutas ug utanon maoy rason mga hamis siya og panit. Kaninumdoman nga nag- trending ang hulagway ni Kim nga gi-post  niya sa Instagram sa miaging adlaw kun diin wala siya naka-makeup ug nilutaw ang natural niya nga kaanyag.

Mitabang  sa mga komedyante

Aktibo si Vice Ganda sa pagsalmot sa fundraising event alang sa mga higala niya  nga nagtrabaho sa comedy bar.  Nag-ulohan kini og  We Laugh As One (Online Bayanihan Para sa mga Kaibigan!).

Sekreto ra gyud

Bisan kapila na gipangutana , nagdumili gyud sa pagtug-an sila si McCoy de Leon ug  Elisse Joson sa rason sa ilang breakup. Gikatahong wala na gyud magtagad ang duha.

Gimingaw na

Gimingaw na si Robi Domingo sa iyang mga show sa telebisyon. Nasayran nga suki kaayo ang TV host sa mga reality show sa ABS-CBN.

Proud sa sister

Gipasigarbo og maayo ni Kathryn Bernardo ang iyang igsoun nga usa nurse sa laing nasud.” Yung sister ko mismo, nag-ta-trabaho siya sa UK. Nagkukuwento siya kung paano ang sitwasyon niya doon, kung ano ang sitwasyon nila and hindi siya joke. So mas naging proud ako lalo sa ate ko during this situation,"  suma pa sa aktres.

“We Are Warriors”

Nihimo og tribute si Avril Lavigne sa tanang frontliners pinaagi sa iyang awit nga“We Are Warriors”.   Gikatakdang  mag-concert unta dnhi sa nasud si Avril karong tuiga apan nakanselar kini tungod sa  COVID-19 pandemic.

Julia gipanalipdan ni Belo

Gidepensahan ni  Dra. Vicki Belo ang aktres nga nga si Julia Barretto human kini gisaway sa ubang netizens gumikan sa iyang pag-angkon nga dili siya mag-bra kun naa ra siya sa balay.

Suma pa ni Vicki nga sakto ang gibuhat ni Julia sanglit  nagtangag kini og medical benefits sama sa maayong blood circulation.

“Not wearing a bra allows for better blood circulation especially in the lung and breast area. Secondly, bra straps can be pressing on the area between the shoulder and the neck leading to neck pain,” suma pa sa IG post ni Belo.

Kahinumdoman nga sa miaging interview ni Julia sa Tonight With Boy Abunda, nipadayag sa aktres nga komportable siya nga dili mag-bra kun naa ra siya sa balay.

“Hindi talaga kumportable magsuot ng bra. Ako naman din naman, walang kakapitan yung bra… nagta-try naman yung bra ko e pero wala talaga siyang makapitan,” matud pa ni Julia.

Derek negatibo sa COVID-19

Malipayong gipahibalo sa aktor nga si Derek Ramsay nga negatibo siya sa COVID-19.2

Suma pa aktor nga niboluntaryo siya  sa pagpa-test  gumikan kay na -expose siya sa daghang tawo ilabi na nga aktibo siya sa pagtabang sa frontliners.

“Thank you lord.My test results for covid-19 came out negative,” suma pa ni Derek.

Ideal girl ni Vico Sotto

Gibutyag sa anak ni Vic Sotto nga si  Pasig City  Vico Sotto nga pipila sa kalidad sa iyang ideal girl, kinahanglan utokan ug “easy going”.

Apan sa pagka-karon , wala pa gyud sa iyang huna-huna ang pagsulod og relasyon. Sa interview niya sa RX93.1.1,  gisaysay  niya nga makahuwat ra ang maong butang.

Wala pud siya’y celebrity crush. Ang pagduwa og basketball maoy usa sa iyang hilig kun ganahan siya mo-relax.

Iñigo pasok sa international online concert

Nalakip ang pangalan ni Iñigo  Pascual sa listahan sa Asian artists nga mo-perform sa giatngan nga online international music festival.

Ang maong kalihokan pagadumalaon sa  88rising . 

“Announcing … a special 4-hour global online concert celebrating the most exciting Asian talent from around the world,” tipik sa social media post sa 88rising.

Makauban ni Iñigo  sa maong international music festival mao ang South Korean star Kang Daniel, Malaysian singer Yuna, South Korean girl group CLC, Vietnamese-American singer Keshi, Chinese-American singer Mxmtoon, ug uban pa.

Indigay  himoong online

Gipangandaman na sa Miss Philippines Earth ang labing una nga virtual presentation sa maong indigay karong tuiga.

“If we cannot converge, there is always the internet and broadcast TV will always be there,”  tipik sa statement sa  Miss Earth Philippines organizer nga si Lorraine Schuck nga nabalita sa ABS-CBN News.

Mao kini ang 20th edition sa maong indigay.

“This is the time when we’re more needed for awareness. 'Di ko maatim na hindi ituloy 'yung advocacy to inspire and move people about the protection of our environment. Look at the doctors and other frontliners, despite the lockdown, trabaho pa rin, it’s their calling. Dapat ganun din kami!” dugang pa sa Miss Philippines Earth Organizer.

Gikatahong mahitabo na karong May 24 ang pagpasa sa korona sa reigning Miss Philippines Earth nga si Janelle Lazo Tee ngadto sa mapili nga Miss Philippines Earth 2020. Samtang ang laing indigay nga  Mutya Pilipinas 2020, mopagawas ra kini og statement  inigkahuman sa Enhanced Community Quarantine.

“To all Mutya friends and supporters, we will decide after the ECQ/GCQ what directions we will take this year. Our main concern now is the safety and protection of all prospective candidates, our organizing team and pageant fans. Hopefully, within the coming month, we will be making announcements . Meanwhile, stay safe everyone,” suma pa sa Facebook page aa  Mutya Pilipinas.

Remake sa MG subling i-ere

Mo-ere og balik sa ABS-CBN  sugod karong gabii ang remake sa sikat nga Asianovela nga “Meteor Garden.”.

Usa kini ka  2018 Chinese production  nga gibitoonan nila ni  Shen Yue isip Shancai ug Dylan Wang isip Daoming Si.

Una kini nga gi-ere sa ABS-CBN niadtong August 2018 hangtud sa January 2019.

Nasayran nga gipangbalik ang mga karaang teleserye sa ABS-CBN human nahunom ang TV production tungod coronavirus pandemic.

Mga sikat sa 80’s

Nagkumustahay og balik online  ang mga sikat kaayo nga magka-loveteam sa 80’s  ug nidalit og awit sa ilang fans.

Gilangkoban kini nila ni Janno Gibbs,  Manilyn Reynes, Sheryl Cruz, Tina Paner, Romnick Sarmenta, Monching Gutierrez, ug Keempee de Leon.

Ilang gikanta ang  awit nga "Nothing's Gonna Stop Us Now". Produkto sa That’s Entertainment ang  nahisgotan nga mga artista.  "This quarantine has given us all a chance to re-connect w old friends. So I invited some of mine for this and they all came through!" ,” suma pa sa IG post ni Janno.

Awra, biktima sa ghosting?

Gisumsoman karon sa mga tsismosa ang mga tweet ni Awra Briguela nga naghisgot sa  kalit lang wala pagparamdam kaniya sa YouTube sensation nga si Feng dela Cruz.

Nagpakita si Feng kaniya og motibo apan kalit lang kini nabugnaw. “Wala naging kame. Pero nag papakita sya ng motibo na parang merong kame alam ni feng yun sa sarili nya,” tweet pa ni Awra. Hangtud nga nahibaw-an na niya nga duna na diay tulo ka tuig nga girlfriend si Feng.

Dili  gyud moangkon si Feng niini apan duna na’y nakahunghong kang Awra.

“Again hindi ako gumawa ng thread para ihate nyo isa samen. Ginawa ko to kase para alam nyo na ang totoo.Masakit lang na hanggang ngayon hindi pa ren sya umamin saken at nalaman ko lahat sa ibang tao. Which is lahat totoo,” tipik sa Twitter post ni Awra. Apan si Feng sa iyang bahin , ganahan siya nga masulbad ang maong isyu sa pribado nga pamaagi ug ganahan siya makig-istorya kanh Awra sa personal. Dili matud pa niya intensyon nga pasakitan si Awra.