Jamie mopalanog na sa “hilumin mo, bayan ko”

CEBU, Philippines — Adunay  Tagalog version si Jamie Rivera sa iyang praise song nga “Heal Our Land” ug kini nag-ulohan og  “Hilumin Mo, Bayan Ko”  nga gikatakdang i-release karong Mayo 1 .

Tingoha  sa  Inspirational Diva nga ipaabot  ang mensahe sa  ‘power of prayer’ ilabi na karong panahon sa krisis.

“Nakakahawa at malakas ang Covid-19. At natatakot tayo, kaya’t mahalaga ang dasal para sa proteksyon natin at paggaling ng ating bayan,” suma pa ni Jamie.

Matud pa sa singer-songwriter, importante kaayo ang pagpaubos karong panahona.

“Habang inaawit natin ang dasal na ‘Hilumin Mo, Bayan Ko,’ sana’y maalala natin na hinihintay lang tayo ng Diyos na maging mapagkumbaba. Dahil mas nakakahawa ang pagiging mapagkumbaba. Ang tanging dasal natin ay kapag tayo ay nagpakumbaba at umamin na kailangan natin Siya, hihilumin ng Diyos ang ating bayan,” dugang pa niya.  

Dili pa lang dugay, gipalanog usab sa singer ang awit niya nga “Tanging Yaman” alang sa  ”Metro Safe & Sound: The Unplugged Music Video Series.”

Gisuportahan niini ang  programang Pantawid ng Pag-ibig sa  ABS-CBN nga mohatod og hinabang sa mga pamilya nga apektado sa community quarantine.

Ilusad ang music video  sa “Hilumin Mo, Bayan Ko”  pinaagi sa YouTube channel sa Star Music.

Nagkalig-ong relasyon

Nagbinayloay og sweet nga mensahe ang power couple nga sila si Kiefer Ravena ug Alyssa Valdez gamit ang nagkadaiyang Instagram accounts atol sa ilang fourth anniversary  isip mag-uyab. Sikat si Kiefer sa duwang basketball samtang nailhan si Alyssa sa sports nga volleyball.

Hugyaw nga party

Nipahigayon og hugyaw nga birthday party sulod sa ilang panimalay ang pamilyang Pacquiao atol sa  6th birthday sa kamanghuran nga anak nilang Jinkee ug  Manny Pacquiao nga si Israel. Gi-post ni Jinkee sa Instagram ang mga hulagway nila atol sa selebrasyon.

Wala nakauyon

Nagyawyaw sa social media ang celebrity hair and make-up artist Fanny Serrano mahitungod sa ubang netizens nga halos maghubo nalang  sa ilang mga TikTok videos ug photos. "Hindi ko talaga ma-getz kung ano ang purpose ng mga ibang netizens posting their photos na almost nude, halos naka-expose ang suso ng mga girls, mga lalaking naka-swimming trunk/underwear na ibinabalandra ang mga bukol ng ari nila,"tipik pa sa taas nga rant niini.

Paghandom ni Shakespeare

Nipahigayon ang Philippine Educational Theater Association (PETA) og online series nga 'Shakespeare in the Time of COVID' , kini atol sa 404th death anniversary sa British playwright William Shakespeare. Tinguha sa PETA mao ang paghatag og kalingawan ngadto sa mga tawo samtang natanggong sa tagsa-tagsa nila ka mga panimalay tungod sa COVID-19 crisis.

25 years na!

Nagsaulog sa ilang 25th wedding anniversary silang Richard Yap ug sa  asawa niini nga si Melody.  Nisikat ang Sugbuanong businessman-actor isip “Papa Chen” sa 2011 primetime series nga My Binondo Girl ug isip “Sir Chief” sa daytime television drama nga Be Careful with My Heart.

“Kalawakan”

Gipagawas na ang official music video sa bag-ong kanta ni Juan Karlo nga “Kalawakan” nga siya mismo ang nagsuwat alang ngadto sa iyang modelong uyab nga si Maureen Wroblewitz. Ang maong awit kay parte sa bag-ong album sa banda sa singer nga "Diwa."

Wedding video

Nagbalik-lantaw ang celebrity-politician nga si Lucy Torres sa matam-is nga memories atol sa ilang kasal sa banang si  Richard Gomez , kini pinaagi sa pag-upload og videos sa social media. Nagsaulog sa ilang 22nd wedding anniversary silang Lucy ug Richard.

Happy birthday, bosing!

Ni-post og  sweet nga birthday message si Pauleen Luna  alang sa iyang bana nga si Vic Sotto kinsa nagsaulog sa iyang 65th birthday sa miaging adlaw. Kahinumduman nga bag-o lang nagsaulog ang duha sa ilang fourth wedding anniversary.

CLOY-inspired greeting

Nihimo og 'Crash Landing on You'-inspired photos nila ni Megastar Sharon Cuneta si Senator Kiko Pangilinan kini isip greetings sa asawa atol sa ilang 24th wedding anniversary. Giilisan ni Kiko sa iyang hulagway ang nawong ni Captain Ki samtang gihulipan sab niini ang nawong ni  Sha-ri  sa hulagway ni Sharon. "Happy 24th wedding anniversary, to my sweetheart! I love you dearly Hahaha,"post pa ni Senator Kiko.

Gigi nagsabak?

Nagsabak matud pa ang modelo nga si Gigi Hadid .  Si Zayn Malik ang gikatahong amahan sa iyang gisabak.Sa pagka-karon, wala pay giluwat nga kompirmasyon ang duha mahitungod sa maong report.