CEBU, Philippines — Nihatag na sab og mga pagkaon ang Kapuso Primetime Queen Marian Rivera ngadto sa frontliners sa COVID-19 pandemic. Gilutoan ni Marian og pagkaon ang frontliners sa UP NIH ug National Center for Mental Health."Another special day in the kitchen as I prepare some snacks for our frontliners. Hope you'll enjoy this meal I made for you. Stay strong and healthy. Maraming salamat sa inyo!"post pa ni Marian.
Nahugyaw sa kaanyag
Nikulit gyud sa atensyon ni Neri Naig ang 45 segundos nga video ni Angel Locsin kun diin ni-project ang aktres atubangan sa kamera. Suma pa ni Neri nga nilutaw og samot ang kaanyag ni Angel. makita nga gwapa kaayo ang aktres nga nag-project atubangan sa camera. “Bilib na bilib talaga ako sayo! Ang gaaaaaling mong mag emote sa mga pictures! Super sexy!bTry mo kayang mag artista? Baka pwede? Feeling ko sisikat ka ,” pasiaw nga komento Neri.
Nananom og utanon
Gipahimuslan ni Cheska Kramer ang taas nga oras karong panahon sa enhanced community quarantine pinaagi sa pagtanom og mga utanon sa ilang tugkaran. Gipaambit niini ang mga hulagway ug videos sa iyang garden. Pipila sa gitanom mao ang talong, pechay, kangkong, radish, kamatis, ug lettuce.
Gipakita sa publiko
Gipakita ni JC Santos sa social media sa labing unang higayon ang iyang anak nga si baby River Altheia. Anak kini sa aktor ngadto sa non-showbiz niya nga asawa nga si Shyleena Herrera. Duha ka buwan na ang iyang batang babaye.
Na-hack ang account
Gipahibalo sa aktres nga si Denise Laurel nga na-hack ang iyang Instagram account kun diin nagsige kini og komento ngadto sa laing mga accounts gamit ang Turkish language. “I have more than 400 comments in Turkish on my last post. It’s freaky to think that someone else has been using my account! How do I report this to Instagram?" post pa ni Denise.
Mitingog na
Gi-deny sa Universal Records nga aduna sila'y partisipasyon sa napuno og saway nga bag-ong kanta ni Imelda Papin nga 'Iisang Dagat' nga naghisgot sa panaghiusa sa China ug Pilipinas. Giklaro nila nga wala'y pagtugot gikan kanila ang pagamit sa ilang company name sa pag-promote sa maong video.
Nabalaka
Napuno sa kabalaka ang aktor nga si Ronnie Alonte alang sa sitwasyon sa duha niya ka mga igsoon nga frontliners nga nia sa Pilipinas ug USA. “Medyo kinakabahan po kami siyempre dahil nasa ospital. Hindi namin alam kung puwedeng mahawaan siya. Pero ang mas kinakaba ko lang po ay ‘yung kapatid ko na nasa Amerika,"sigon pa sa aktor.
P13M na
Niabot og P13M ang napundok nga donasyon sa fourth installment sa gipangulohan nga fundraising campaign ni Matteo Guidicelli nga ‘One Voice Pilipinas.’ Nisalmot sa maonh online concert sila si Ogie Alcasid, Regine Velasquez, Rhian Ramos, Sam Concepcion, Arnel Pineda, Khalil Ramos, ug Gabbi Garcia.
Haw-ang ang gibati
Miangkon ang aktor nga si John Lloyd Cruz nga usahay bation niya nga adunay kuwang sa iyang kinabuhi karon bisan pa man nga aduna pa siya'y mga higala. “Hindi ako mag-isa pero parang mag-isa. Minsan nakakausap ko mga kaibigan ko. Pero, iba pa rin e parang may pag iisa pa rin e, alam mo ‘yun,"asoy pa niini ngadto ni Bea Alonzo atol sa ilang Instagram Live.