CEBU, Philippines — Nagmalampuson ang online birthday concert ni Regine Velasquez niadtong Sabado sa gabii.
Nakahipos kini P4.2 million nga donasyon ug ang Bantay Bata 163 ang beneficiary niini. Niabot og dul-an sa tulo ka oras ang maong “concert for a cause” nga nanukad sa balay sa singer. Gawas sa iyang hit songs, gikanta usab niya ang “With A Smile” sa Eraserheads”. Duna pu’y espesyal nga partisipasyon ang iyang anak nga si Nate ug ang singer nga si Lea Salonga.
"Walang hangang pasasalamat. Maraming maraming salamat po sa inyong tulong, “ suma pa ni Regine.
BTS mo-perform sa Nickelodeon Kids’ Choice Awards
Molugwa ang K-Pop group nga BTS sa Nickelodeon Kids’ Choice Awards karong tuiga.
Tungod sa COVID-19 pandemic, himoong online ang pagpahigayon sa maong kalihokan karong tuiga ug tawagon kini og “Nickelodeon Kids’ Choice Awards 2020: Celebrate Together.”
Si Victoria Justice ang magsilbing host niini kauban .
Nominado ang BTS sa Favorite Music Group award ug Favorite Global Music Star award.
Gawas sa BTS , mo-perform usab sa maong online awarding ceremony karong May 2 mao sila si Ariana Grande, BTS, Camila Cabello, Shawn Mendes, Kristen Bell, Josh Gad, Millie Bobby Brown, Lil Nas X, Ellen Degeneres, ug uban pa.
Pahugyaw ni Vanessa Hudgens
Gipaapil sa Filipina-American actress nga si Vanessa Hudgens ang iyang inahan sa iyang latest YouTube vlog kun diin siya gyud anh nag-make up niini.
"I hope you guys are staying safe and staying inside during this crazy time. I'm in a lockdown with mama G. And whenever anyone asked me about her or what she's like, I'm like, 'She is literally sunshine to me.' So I think were gonna play with some makeup," suma pa ni Vanessa.
Suma pa ni Vanessa nga sa iyang inahan siya nakat-on pag-make up sanglit kanhi sales person kini sa usa ka sikat nga cosmetic brand.
"I got introduce to makeup because of my mom, I used to be sitting in her closet... She had this massive box of makeup and I would just sit there for hours and played with it. Then I did musical theater and I would do my makeup for that and yeah it's just always been something that I love," dugang pa niya.
Dili basta-basta ang mga kauban
Usa si Lea Salonga sa mga ni-perform sa star-studded online concert nga “Take Me to the World: A Sondheim 90th Birthday Celebration,” nidtong weekend.
Nakauban niya sa maong virtual concert sila si Meryl Streep, Jake Gyllenhaal, Neil Patrick Harris, Annaleigh Ashford, Laura Benanti, ug uban pa.
Mao kini ang nagsilbing selebrasyon sa 90th birthday sa composer ug lyricist ngabsi Stephen Sondheim. Pipila sa gigama nga kanta niini mao ang Sweeney Todd: The Demon Barber of Fleet Street," "Merrily We Roll Along," “Into The Woods” ,”Sunday in the Park with George” ug uban p.
Usa kini ka benefit concert alang sa organization nga gitawag og ASTEP (Artists Striving to End Poverty).
Gipatukod ni Julia, nahuman na gyud
Gi-turnover na ni Julia Barretto ang gipatukod niya nga Emergency Quarantine Facility sa usa ka tambalanan didto sa kaulohan. Nahitabo kini niadtong Sabado .
Gawas kang Julia, nitabang usab sa maong proyekto ang mga igsoon niya nga sila si Dani ug Claudia.
Ang pundo nga gigamit sa pagpatukod sa Emergency Quarantine Facility nagikan sa cash donations human nihimo og fundraising project si Julia ug ang iyang mga igsoun.
Okay kaayo
Gitawtaw ni BB Gandanghari nga maayo gihapon sila og tinagdan ni Carmina Villarroel.
Nahisgotan ni BB si Carmina atol sa iyang Instagram Live niadtong Sabado.
Nahimong asawa ni BB si Carmina niadtong 1994 sa dihang nagtangag pa siya sa pangalan nga Rustom Padila apn nagbuwag rapud sila niadtong 1997.
“Hindi ko alam kung ano ibig mo sabihin sa in good terms, but definitely, we are not in bad terms,” niya pa.
Gani gipaila-ila pa siya ni Carmina kaniadto sa mga anak nila ni Zoren Legaspi nga sila si Cassy ug Mavy.
Wala ra’y isyu sila si BB ug Zoren gumikan kay nagkauban na sila kaniadto sa usa ka show sa TV5.
Imelda Papin, nanalipod sa iyang awit
Gipanalipdan sa singer nga si Imelda Papin ang iyang music video nga gi-release sa Chinese Embassy.
Ang maong awit nag-ulohan og “Iisang Dagat” nga naghisgot sa panaghiusa sa Pilipinas ug China taliwa sa giatubang niini nga COVID-19 pandemic.
Apan dunay pipila ka netizens ang nihulagway sa maong video nga matud pa insulto kini sa mga Pinoy sanglit duna pa’y isyu ang China kalabot sa sovereignty claim sa West Philippine Sea. Suma pa ni Imelda sa interview niini sa ABS-CBN News nga panaghiusa ra gyud ang tumong sa maong awit, gani wala siya nidawat og talent fee sa maong proyekto.
"Dapat huwag bigyan ng kulay. Kasi mababa ang morale ng tao ngayon . . .Ngayon ang panahon na dapat magkaisa at wala na munang away,” nagkanayon ang singer.
Nakugang pag-ayo si Imelda sa mga mahait nga pulong sa iyang bashers.
"Bakit i-criticize ang participation ko?. Bakit hindi sila kumibo sa mga tulong na binibigay ng China --doctors, protective equipment, etc.Bakit ako? I pray for everyone and as Filipinos let us all pray together and healed as one! Hindi ako sumingil kahit isang centavo. For love and unity," niya pa.
K-Drama ang gikalingawan
Gawas sa pag-ayo sa iyang mga butang sa balay, gikalingawan usab karon sa singer nga si Lani Misalucha ang pagtan-aw og mga K- drama. Mao kini ang rason nga wala ra maka-feel og kalaay ang singer samtang naka-enhanced community quarantine.
Inigkahuman sa health crisis, gikatakdang i-release ang ubang mga kanta ni Lani.