Direk Darryl mogama og BL series

CEBU, Philippines — Mogama ang direktor nga si Darryl Yap og series nga dunay tema nga Boys Love (BL). Giingong usa kini sa gihisgotan og maayo sa pipila ka mga Pinoy sa miaging adlaw. Suma pa  ni Yap nga ang  maong proyekto adunay working title nga nga Sakristan. Gihulagway niya ang maong  series nga “sweet, scandalous ug sincere.” Wala pa niya mahisgoti kun asa molugwa ang maong project.  “A Brave attempt of a Filipino Filmmaker/ Online Creator to break the conservative grounds of the PH Social Media as he tackles BOYS LOVE in a Catholic Country,” niya pa. 

Bag-ong youth advocate sa UNDP

Ang singer nga si Darren Espanto maoy bag-ong  Youth Advocate sa  UNDP o United Nations Development Programme dinhi sa Pilipinas.

Pinaagi sa social media, gipaila sa UNDP si Darren isip bag-ong katimbayayong sa maong organisasyon sa umaabot nila nga mga programa. Matud pa sa singer nga dili gyud niya pakyason ang mga nisalig sa iyang kapabilidad.

“Bilang Youth advocate, sisikapin ko pong itaguyod ang sustainable development goals ng UNDP para sa pangangalaga ng ating mundo, para sa lahat, at para sa kinabukasan ng ating kabataan,” nagkanayon ang singer.

Dakong garbo alang kang Darren nga makabaton og adbokasiya alang sa kabataan.

“In this time of uncertainty and difficulty, it is our obligation to look after each one and to make sure that we are doing our part to be of help. In this connection, I would like to inform everyone that I am now officially the newest Youth Advocate of the UNDP. It is truly an honor to be a part of this and I hope to be of service through this endeavor,” suma pa sa IG post sa singer. 

Eeirie himoan og prequel

Malipayong gibutyag sa  filmmaker nga si Mikhail Red  nga gisugdan na ang pagpangandam sa prequel sa hit horror film nga "Eerie."

Ang ig-agaw niya nga si Rae Red maoy usa sa mosuwat sa istorya niini kauban si Hyro Aguinaldo.

Kahinumdoman nga nakadawat og mga pagdayeg kaniadto ang  2019 box-office hit nga Eerie nga gibidahan nila ni Bea Alonzo ug Charo Santos.

Pinay singer nakasulod sa international music scene

Pormal na nga gipaila sa music industry  sa iconic hip hop group nga Black  Eyed Peas ang Filipino-American singer  nga si Jessica Reynoso o J. Rey Soul sa ilang latest single nga  "Mamacita."

Ang music video niini maoy nagsilbing pagpaila aa  22 anyos nga  Pinay singer  isip miyembro sa ilang grupo.

Ang usa sa miyembro niini nga si Apl. de. ap, kinsa usa usab ka Filipino-American, maoy nag-recruit kang  J.Rey Soul human kini nalakip sa iyang team sa  first season sa reality singing competition  sa ABS-CBN nga “The Voice of the Philippines."

Gawas kang J.Rey Soul ,na-feature usab sa music video sa “Mamacita" ang award-winning Puerto Rican reggaeton ug Latin trap singer nga si Ozuna kinsa nailhan tungod sa mga awit niini nga  "Te Bote", "Adicto", ug Taki Taki."

South Border nag-virtual reunion

Gipakugang sa bandang South Border ang ilang fans human sila nag-virtual reunion sa miaging gabii.

Nisalmot ang maong grupo nga gipangulohan  ni Jay Durias sa online fundraising concert alang sa mga naapektohan sa coronavirus crisis.

Usa lang ang South Border sa nakaline-up sa “Bayanihan, Musikahan”.

Gikanta sa maong grupo ang “Langit Sa'yong Tabi," "Kahit Kailan," ug “Tulog."

Wala usab nila sipyata ang pagkanta og

"Sa Hangin” ug “Himig Natin" .

Nihimo usab og tribute ang South Border  sa frontliners.

Thai series nataypan sa mga Pinoy

Gikalingawan karon sa mga Pinoy ilabi na sa  Twitter world ang bag-ong Thai romantic drama  nga “2gether: The Series.

Istorya kini ni Tine nga gidala ni Metawin Opas-iamkajorn  nga dunay fake boyfriend nga si Sarawat nga gidala ni Vachirawit Chiva-aree.

Tungod sa maong series, nisaka og samot ang ilang popularidad ug kanunay nga trending ang ilang mga hulagway sa social media.

Mikulit og kasaysayan sa YouTube

Ang solo Easter concert ni Andrea Bocelli sa Milan cathedral nikulit og dakong record isip “most watched classical music concert” sa YouTube. Ang maong  25 minutos nga  online concert nag-ulohan og "Music for Hope" nga nagtangag og 2.8 million concurrent peak viewers   nga mikulit og kasaysayan  sa classical live stream  sa YouTube.

Nakakuha dayon kini og 28 million views sulod sa  24 hours.

Usa sa ni-click og maayo nga parte sa maong  concert mao pagkanta ni Andrea og "Amazing Grace.” 

Hugot ni Kiray

Todo  hugot  ang aktres  Kiray Celis sa labing bag-o nga balak nga iyang gimugna.

Alang kini sa mga tawong nasakitan human gibiyaan sa tawo nga ilang gihigugma.

“Tula para sa mga taong nasasaktan dahil iniwan at hindi nila matanggap sa sarili nila na SILA MISMO ang dahilan,” suma pa sa iyang IG post.

Nagtangag usab kini sa mensahe alang sa mga tawong nakarma tungod sa sayop nga ilang gibuhat.

“Hindi ka makapaniwala na wala na? Hindi mo lubos maisip na bumitaw na siya? Ang sakit ba? Baka karma mo na. Kasi hindi mo matanggap sa sarili mo na nagloko ka. O sinasakal mo siya?Dahil minsan, kung siya pa yung maraming ipinagbabawal, yun pa yung kusang gumagawa ng bawal. Takot sa sariling multo? Takot maloko? Kasi gawain mo? Ano nga ba ang totoo? Ang hirap bang aminin sa taong mahal mo, o sa sarili mo mismo?,” tipik sa mensahe ni Kiray.

Wala usab niya palabya ang mga tawo nga kusog manaot. “Para sa mga taong ginawang mukhang masama, hayaan niyo lang sila magsalita. Alam niyo kung anong totoo kwento. Kaya deserve niyong mahalin ng totoo. Kaya ituloy niyo lang ang pagiging positibo,”niya pa.

Tom milusad sa iyang fundraising project

Tinguha ni Tom Rodriguez  nga makatabang sa  PUV drivers, street vendors ug construction workers  busa nipasiugda siya og fundraising project alang sa nahisgotan nga mga sektor nga nawad-an og panginabuhian sa nagpadayon nga enhanced community quarantine.

Sa matag tawo nga motunol og donasyon, himoan kini ni Tom og online portrait.

Gitawag niya ang maong proyekto og

“GUHIT PANTAWID: Portraits for a Cause”.