CEBU, Philippines — Visible kaayo si Maja Salvador sa telebisyon karong panahona . Nasayran nga dungan nga gipasalida karon sa ABS-CBN ang tulo ka mga karaang teleserye sa aktres. Gi-ere og balik sa ABS-CBN ang The Legal Wife, May Bukas Pa ug Wildflower.
Namaligya og artwork
Nipasiugda og auction ang magtiayong Dra. Vicki Belo ug Hayden Kho sa mga artworks sa anak nila nga si Scarlet Snow. Ang halin sa maong auction kay ihatag ngadto sa mga scientists sa Philippine Genome Center and Research Institute of Tropical Medicine ug gamiton pagpanghimo og test kits.
Panawagan ni Piolo
Nanawagan ang aktor nga si Piolo Pascual ngadto sa publiko nga minus-minusan ang pagpadayag sa kalagot ug pagpanghukom sa social media kalabot sa giatubang nga krisis sa nasud ilabi na sa COVID-19. Giawhag niini ang netizens nga mag-ampo nalang nungka nga ipatigbabaw ang kasuko."Let’s do away with too much social media and too much judgment on people and let’s just try to inhabit goodness in us and pray," sigon pa ni Piolo.
"Gala"
Gisundog ni Sam YG ang sikat nga kanta ni Sarah Geronimo nga "Tala" ug gimugnaan niya kini og titulo nga "Gala". Ang maong parody naghisgot sa mga tawo nga ganahan na kaayo molaag apan dili mabuhat tungod sa enhanced community quarantine. Tungod niini, nag-trending na sab og balik ang maong awit ni Sarah.
Gisaway ang lawas
Gisaway sa usa ka netizen ang aktres nga si KC Concepcion nga matud wala'y bat-ang ug dili maayo og pamorma ang lawas. Kini kalabot sa gi-upload nga TikTok video ni KC sa iyang Instagram account diin nisayaw siya og “Mamacita” sa The Black Eyed Peas. Apan wala napikon ang aktres niini ug gikataw-an lang ang basher.a
Nibalik na
Nakita na og balik nga live si Willie Revillame sa iyang programa sa GMA-7 nga Wowowin human sa usa ka buwan nga nag-quarantine didto sa iyang beach resort sa Puerto Galera. Pinaagi sa segment nga "Tutok To Win," nanghatag ang show og cash prizes sa mga viewers nga naka-quarantine.
Higala ra
Kusganong gihimakak sa sikat nga eSports game streamer-vlogger nga si Bianca Yao nga aduna sila'y relasyon sa Kapuso star nga si Alden Richards. Nibuto ang isyu human nihatag og 3,500 stars si Alden ngadto ni Bianca samtang nag-live nga nagduwa ang naulahi sa Defense of the Ancients 2 (DOTA). “Guys, mabait lang talaga yung tao. Nagsu-support siya sa mga gamers, in general, hindi lang ako. Huwag nating bigyan ng kahulugan lahat ng bagay,"sigon pa niini.
The King
Gipagawas na sa Netflix ang official trailer sa ‘The King: Eternal Monarch’ nga gibidahan sa Korean Superstars nga silang Lee Min-ho, Kim Go-eun ug Woo Do-han. Mao kini ang first project ni Lee Min-ho human sa tulo ka tuig ang nilabay. Ipasalida kini karong Abril 17.
Nanghatag og tabang
Nihimo og fundraising campaign ang magka-loveteam nga sila si Ella Cruz ug Julian Trono alang ngadto sa mga batan-on ug mga frontliners nga naapektohan sa COVID-19 crisis. Sigon pa sa suha, nakahatag na sila kapin usa ka libo nga food packs sa naglisod nga pamilya ug mga medical supplies ngadto sa mga health workers ug frontliners.
Midonar og PPE
Nanghatag og 400 ka mga Personal Protective Equipment (PPE) ang aktres nga si Gabbi Garcia, boyfriend niini nga si Khalil Ramos ug ilang mga higala, ngadto sa healthcare workers sa Parañaque ug Pasay.“Today we delivered 400 PPEs! 200 for Ospital ng Parañaque 1 and 200 for Pasay City General Hospital. We also delivered face masks, face shields,” balita pa niini sa Instagram.