Dancing lola

CEBU, Philippines — _{Gipaambit ni  Anne Curtis ang TikTok-inspired video sa iyang inahan nga si Carmen samtang gisayaw ang apo nga si baby Dahlia. Gisayaw sa iyang inahan ang kanta nilang DJ Haning ug Rizky Ayuba nga “You Know I’ll Go Get”. “Lola dancing with her beautiful apo Dahlia Améli}e. It's a beautiful sunny day down under @annecurtissmith,” post pa ni Anne.

Paukyab

Gipakita ni Ellen Adarna sa social media  ang fierce  grocery look niini nga nipalutaw  og samot sa iyang kaanyag. Nauyonan sab sa netizens ang sapatos nga gisul-ob niini sa pangpangumpra. Nakabase karon sa  Cebu City si Ellen ug nagpokos pag-atiman sa iyang anak nga si Elias Modesto.

Mihirit og selfie

Nahimout pag-ayo ang netizens sa hulagway sa usa ka staff sa kan-anan kun diin nagpahulagway kini kauban ang aktor nga si John Lloyd Cruz.   Kuha kini sa dihang ni-order ang aktor sa usa ka  fast food chain sa Osmeña Boulevard  sa Dakbayan sa Sugbo. Matud nga wala gyud nag-inarte ang aktor sa diha nihangyo ang maong crew nga magpahulagway  kaniya.

Dili tinuod

Gitawag nga "fake news" sa broadcaster nga si Arnold Clavio ang nikatap nga taho nga nag-deactivate siya sa iyang social media accounts human gipagawas ang isyu sa usa ka ospital nga giundang ang pag-ihap sa COVID-19-related deaths.  "Mas madaling mang-intriga at magtago sa terminong ‘fake news’ kaysa sagutin ang inilatag na mga isyu. Nandito pa ako sa Instagram at walang planong umalis,"sigon pa niini.

Nagpatubo og bungot

Gipakita ni Gerald Anderson ngadto sa iyang Instagram followers ang bag-o niyang look  samtang naka- enhanced community quarantine. Makita sa maong hulagway nga nagpatubo  og bungot ang aktor. “Still locked in during the lockdown,”sigon pa niini.

Gipublikar na

Gipakita ni Cristalle Belo sa social media  sa labing unang higayon ang hulagway sa iyang anak nga si Siena Victoria. Minyo si Cristalle ngadto sa Australian hotelier nga si Justin Pitt. “Hunter, Justin, and I are so happy to finally have our little pumpkin at home!”post pa niini.

Kuha kaayo

Gisunod sa aktres nga si Teresa Loyzaga  ang Disney character nga si Mother Gothel ug gi-post  niya kini sa iyang Facebook. “Mother Gothel in the flesh!!  Have a good laugh everyone! That’s my gift for all of you today!Take care and keep well! Roll call.....thumbs up,"post pa niini.

Lamon challenge

Nag-uban silang  Robi Domingo ug Richard Juan alang  sa usa ka vlog kun diin nihimo sila og  'Hamon or Lamon' challenge. Giisip kining bag-ong segment sa YouTube channel ni Robi. Sa maong vlog, nikaon sila og dagkong burger.

Gitupihan ang bana

Gitupihan ni Dimples Romana ang bana nga si Boyett Ahmee nga susama  sa hairstyle ni  "Itaewon Class" star Park Seo-joon. Nasuya matud pa ang iyang bana sa bag-ong hairstyle  ni Park Seo Joon. "Easter haircut for the husband. Nainggit kasi sya sa gupit ko kay Alonzo ala @bn_sj2013 [Park Seo Joon] Kaya it’s his turn,"post pa niini.

#OneDirection Reunion

Nag-trending sa Twitter ang hashtag nga #OneDirectionReunion kini human nipaabot sa ilang suporta ang fans sa nabalitang comeback sa  boy band nga One Direction. Ang maong English-Irish pop band gilangkuban nilang Niall Horan, Liam Payne, Harry Styles, Louis Tomlinson ug Zayn Malik. Kahinumduman nga nibiya sa grupo si Zayn niadtong 2015.